6 Pasova Saen we I Save Jenisim Wei we Yu Stap Lukluk long Ista
Taem yumi stap tingbaot saen blong Pasova, hamas yumi andastanem mo stap glad se Laef Bakegen long Ded i ril, bae i kam bigwan moa.
Mi lavem Ista, wan holidei we i tingbaot Jisas Kraes we i mekem ol pikinini blong God oli fri long ol rop blong ded mo hel.
Be 1,500 yia bifo long Laef Bakegen long Ded, wan semmak tabu dei i bin stap tingbaot Jehova we i mekem ol pikinini blong Isrel oli fri long fasin blong stap prisena long Ijip.
Ista i mekem yumi tingbaot sakrifaes blong Sevya we i pem praes from ol sin blong ol man; Pasova i bin kam fastaem blong presentem hemia. Tugeta, oli save mekem yumi save gat moa dip save mo save andastanem moa abaot Laef Bakegen long Ded. Daon ia oli samfala samting we i joenem Pasova long Ista:
|
Pasova |
Ista |
|
1. Pasova, stamba blong hem i wan paskal sipsip, wan man sipsip we i no gat mak (luk long Eksodas 12:5), we i no gat bun blong hem i brok (luk long Eksodas 12:46). |
1. Jisas i Sipsip blong God (luk long Jon 1:29), i no gat sin mo i no gat bun i brok (luk long Jonn 19:36). |
|
2. Bred we i no gat yis long hem, we i fri long eni doti samting (luk long Bible Dictionary, “Leaven”), i stap long lafet blong Pasova (luk long Eksodas 12:8, 15). |
2. Jisas i Bred blong Laef, mo Hem i wan man we i no gat eni doti samting long Hem (luk long Jon 6:35). |
|
3. Ol gras we oli konkon, wan saen we i ripresentem Ol Man Isrel we oli bin prisena, i kam tu long taem blong lafet blong Pasova (luk long Eksodas 12:8). |
3. Yumi save stap prisena long sin, be from Jisas i dring long konkon kap ia finis (luk long D&C 19:18), yumi save winim hemia tru long Atonmen blong Hem (luk long Fas Korin 15:22). |
|
4. Kaekae ia blong Pasova, oli mas hariap blong kakae long hem luk long Eksodas 12:11). |
4. Oli bin hariap blong rere long bodi blong Sevya blong oli berem Hem (luk long Jon 19:31). |
|
5. Olgeta man we oli bin biliv, we oli bin pentem antap long doa blong olgeta wetem blad blong sipsip, oli no bin ded long bodi, be Lod i sevem olgeta (luk long Eksodas 12:7, 13). |
5.Olgeta man we oli biliv, olsem wan saen, oli tekem blad blong Sipsip evri wik long taem blong sakramen, mo “oltaem tingbaot Hem,” (luk long D&C 20:77, 79) mo Lod i save sevem olgeta long ded blong bodi mo long saed blong spirit (luk long Mosaea 4:2). |
|
6. Dei ia, afta we oli bin kilimded evri fasbon pikinini, oli bin talemaot we Ol Man Isrel we oli stap prisena oli kam fri (luk long Eksodas 12:29–32). |
6. Dei ia, afta we oli bin kilimded Fasbon, Jisas i talemaot se olgeta we oli stap prisena insaed long Spirit Wol oli kam fri (luk long D&C 138:18, 31, 42). |