Vanuatu Stek “we I Fulap we i Fulap” I Kasem Wan Moa Bigfala Japel

Olgeta Sent long vilej blong Mele, long Not Wes blong Port Vila, oli gat wan niu mo moa bigfala jos bilding blong save mit insaed long hem long evri wik.

Samples long 200 memba mo ol fren blong Jos oli bin mit long las Oktoba blong selebretem niufala japel long Mele we oli finisim.

“Fasfala japel long Mele i no save tekem evri memba we oli stap kam long ol miting long evri Sandei,” Yvon Basil i talem. Hem i presiden blong Port Vila Vanuatu Stek.

“Hem i kam olsem wan fas wok, blong bildim wan niu japel we bae i save tekem namba blong ol memba blong Jos long ples ia, long Mele.”

Japel we i i bin stap, oli mekem gud bakegen blong i kam olsem ol klasrum mo ol ofis, mo afta, oli ademap wan niufala bilding blong i stap olsem japel. Oli bildim wan veranda we i joenem tufala bilding ia.

Ol niu samting long bilding we i bin stap i gat, ol klasrum, ol toelet mo wan basketbol kot mo sam moa bakegen.

Niufala haos blong wosip mo ol joen bilding ia, bambae i save tekem ol memba mo olgeta we oli stap visitim ol wik seves mo ol nara miting mo aktiviti.

Blong luk Jos long Mele i gro i wan gudfala nius, i no jes blong ol Ol Lata-dei Sent, be tu, blong bigfala komuniti we i stap taem we ol memba blong Jos oli traehad blong givim seves mo sapotem ol neiba mo ol fren blong olgeta.

Presiden Basil i talem tangkyu long evriwan we i bin helpem Jos blong finisim niufala mitinghaos; olgeta ia i gat projek maneja mo olgeta wokman blong Island Construction Ltd, wetem ol akitek blong Kramer Ausenco Ltd “from strong tingting mo wok blong olgeta long taem blong ful projek ia.”

Presiden Basil i bin anaonsem se mitinghaos bae i open blong yusum long ol miting afta long wan dedikesen seves long Disemba 2017.