Wanem, From Wanem, mo Olsem Wanem: Lukluk Evri Step blong Restoresen

Pikja

city taken up to heaven

?Yu yu bin harem abaot wan ful siti we God i tekem i go antap long heven? Yes, siti blong Saeon—we Inok i stanemap—i bin stret mo gud tumas, mekem se ol pipol oli bin go stap wetem God (luk long Moses 7:23).

Pikja

noahs ark

Yu save abaot bigfala sip blong Noa. I gat eit man nomo—famli blong Noa—we i laef long Bigfala Wota we i Ron from se oli bin lisin long ol woning blong Noa (luk long Jenesis 7; Moses 8). Be yu yu save se Noa i bin kasem prishud taem hem i gat 10 yia nomo (luk long D&C 107:52) mo “i gat ol bigfala man we oli gat dabolbun … oli bin wantem blong tekemaot laef blong Noa”? (Moses 8:18).

Pikja

abraham

Ebraham, kolosap ol nogud pris oli sakrifaesem hem, be wan enjel i bin sevem hem (luk long Abraham 1). Hem i kasem ol bigfala revelesen, mo tu, hem i bin gat visen ia blong laef bifo laef long wol ia. Ol memba blong Jos oli kamaot long laen blong hem, mo kavenan blong Ebraham i tekem nem blong hem. (Luk long Abraham 2–5.)

Pikja

moses

Moses i bin lidim Ol Man Isrel oli aot long Ijip mo i bin helpem olgeta blong kasem fridom. Hem i bin “traem, wetem fasin blong wok strong wetem strong tingting, blong mekem ol pipol blong hem oli kam tabu, blong oli save luk fes blong God, be oli bin mekem hat blong olgeta i kam strong mo oli no bin save stanap long fes blong hem” (luk long D&C 84:23–24). Wanem we i tru, i we, from apostasi blong olgeta, oli bin wokbaot olbaot long waelples !blong 40 yia!

Pikja

Jesus Christ

Jisas Kraes i no bin tijim gospel nomo mo mekem plante merikel, be tu, Hem i bin stanemap Jos blong Hem long wol ia. Hem i pem praes from sin blong yumi, mo oli bin hangem Hem long kros, mo Hem i bin laef bakegen long ded blong mekem se yumi save winim ded long saed blong spirit mo long saed blong bodi. Hem i hed blong Jos blong Hem tedei, mo Hem mo Papa long Heven oli stamba blong prishud atoriti.

Pikja

the great apostasy

Afta we Sevya i Laef Bakegen long Ded, ol Aposol blong Hem mo ol nara lida blong Jos oli bin traem blong serem gospel i go, be ol pipol oli bin sakemaot ol tijing blong olgeta, mo tu, oli kilimded bigfala namba blong ol Aposol ia. From fasin nogud blong ol pipol, gospel we i fulwan i bin lus mo i nomo stap long wol. Wol i bin foldaon long tudak long saed blong spirit (luk long Aesea 60:2).

• Blong moa long 1,000 yia, ol pipol oli no bin save kasem ol odinens we i sevem man, ol blesing blong tempol, o ol gudfala toktok blong wan profet.

• Ol bigfala trutok ia oli bin lus long Baebol.

• Oli bin stat blong tijim ol giaman tingting long huia hem i God.

• Sam long ol odinens blong fasin blong sevem man oli bin jenis o oli no bin tijim gud olgeta (luk long Aesea 24:5).

• Apostasi ia, long en, i lidim man blong oli statem fulap jos.

Pikja

reformation

Long taem blong Bigfala Apostasi, sam pipol we oli save relijin, long Yurop, oli bin luksave se gospel blong Jisas Kraes, oli nomo stap tijim long stret fasin. Olgeta man ia, ol rifoma, oli no ol profet, be oli bin mekem bes blong olgeta blong tijim trutok olsem we oli bin andastanem. Oli bin help blong mekem fulap moa pipol oli save kasem Baebol. Plante oli bin faet from fridom blong relijin mo oli openem rod blong Restoresen blong gospel, o blong gospel i kambak.

Pikja

joseph smith

?So, gospel we i fulwan i bin lus blong oltaem? !No! God i soemaot plante impoten trutok long Josef Smit bakegen. Ol mesenja blong heven oli bin putumbak evri prishud ki we i nid i go long Josef Smit (luk long D&C 27:8–13; 110; 128:18–21), mo mekem se dispensesen ia, i “dispensesen blong taem blong evri wok blong God i kamtru” (D&C 138:48). Oli save long hem tu olsem ol lata-dei, o ol las dei, from se hem i las dispensesen bifo Seken Kaming blong Jisas Kraes.