Reirei n Ibuobuoki
Karekean te ibuobuoki Ni Buokiia Tabeman
Tina kanga ni kairiia tabeman ngkana ti kainanoa buokara n ara mwakuri n ibuobuoki? Ira te intawiu n ibuobuoki ao te marooro ni kauntira n te moan Tabati.
Ngke e a reke te aoraki iroun Kathy ae e urua ana mwakuri te kaburoro ao e kakeaa ana namakin te rabwata are e a karika te aki kona n nakonako, e a kunea bwa e kainanoa te ibuobuoki n tabekaki man ana kaintekateka nakon ana kainiwene ni katoa tairiki. E bon matoatoa te mwakuri aei ngkana e karaoia kain te aro ae ti temanna. Ngaia are a marooro kain aia kooram unimwaane ibukin ana kangaanga ao a motikia bwa ana bairea te tai ibukin buokana ni katoa tairiki.1
Ngkana ti atai kainanoia ao aia konabwai te koraki ake ti buokiia, tina kunea bwa ti kainanoa buokara ni buoki kainanoia Te intawiu n ibuobuoki ao te marooro ni kauntira n te moan Tabati bon uoua kawai ni marooro bwa e na kangaa raoi aron kairakiia tabeman.
Intawiu n te Mwakuri n Ibuobuoki
Intawiu n te kuata aikai are imarenaia titita ake taan ibuobuoki ma kain te beretitentii n te Bootaki n Aine ke tarii ake taan ibuobuoki ao kain te beretitentii n aia kooram umimwaane ai bon ti raoiroin te ribooti are e tauaki ni kaineti ma te mwakuri n ibuobuoki. Te kantaninga n te intawiu are tao inanon teuana n te kuata bwa (1) te marooro iaon korakoraia, kainnanoia, ao aia kaangaanga n te utu ake ko katabeaki ibukiia ao temanna ma temanna, (2) ni kakaea bwa tera te kainnano are a kona iai n ibuobuoki te kooram, te Bootaki n Aine, ke te uoote kauntira n te uoote, ao (3) n reirei mairouia mataniwi ao ni kaungaaki n te mwakuri n ibuobuoki.
Te beretitenti n aia kooram umimwaane ao te beretitenti n te Bootaki n Aine ana reitaki ibukin taian kainano aika kakawaki ma te bitiobi ao ni karekei reirei ao kairi mai irouna.
Ko kona riki n kunei rongorongon te intawiu n ibuobuoki iaon ministering.lds.org.
Karaoan te Intawiu n Ibuobuoki bwa e na iai Manenana ae Nano Riki
Ni boutokaan ana rongorongo Beretitenti Russell M. Nelson bwa te burokuraem n ibuobuoki bon te kawai are e na roota aron te Ekaretia n taai aika ana roko. E reirei Unimwaane Gary E. Stevenson n te Kooram n Abotoro n te Tengaun ma Uoman, “Norakin nanon ana kantaninga … e na bon kakoauaaki n aron reiakinaia raoi tarii ao titita ake taan ibuobuoki ao katabeaia n te intawiu n ibuobuoki.”2
Aua kawai ibukiia taari ao titita ake taan ibuobuoki:
-
Ira te intawiu ni karekei reirei. Tauraoi n reirei.
-
Tauraoi ni maroroakin kainano are ko kainanoa buokam iai mai irouia tabeman.
-
Katurua am taratara ao n korakorana ao ana konabwai, tiaki ti te kainano.
-
Reitaki ma te beretitentii ni marooro i marenan te intawiu n te kuata ngkana e kainanoaki.
Nimaua kawai ibukiia taan kairiiri:
-
E aki riai ni maan te intawiu, ma e na karaoaki taina bwa e na reke te reitaki n te tabo are e na karaoaki iai te marooro ae e manena.
-
Karekea te tai are ko na buokiia tari ao titita ake taan ibuobuoki.
-
Tai anga titiraki are e na karekea te iango bwa ko tii warekii mwin taian kakawari ke n taua mwin te kakawari bwa ea tia ni karaoaki (“Ko a tia ni karaoa am mwakuri n ibuobuoki?”) Anga titiraki aika a kaungaa te nano ni kan karaoa te mwakuri (Teraa te kaotioti ae ko a tia namakinna ngke ko tataro ibukiia te utu? Teraa ae riki ngke ko mwakuri ao n kaotioti akanne?).
-
Ongora ma te nano ae e koaua ao taui rongorongo.
-
Uaia ni Marooro. Temanna ao toana n te mwakuri n ibuobuoki iai irouia te kona ni karekei kaotioti ibukin buokaia naake a katabeaki ibukiia.
Titiraki ma Kaekaaia ibukin te Intawiu n te mwakuri n Ibuobuoki
Tera te intawiu n te mwakuri n ibuobuoki?
Bon te marooro i marenaia taari aika taan ibuobuoki ao te membwa n te beretitentii n aia kooram unimwaane ke imarenaia titita aika taan ibuobuoki ao te membwa n te beretitentii n aia Bootaki Aine n te tabo are ana kona n ukera ao karekei kaotioti mai iroun te Tamnei ae Raoiroi. Ao e na noraki bwa, taari ao titita aika taan ibuobuoki ana kona ni kaungaaki n tararua, n tangira, n reirei, ao ni karaunano n ana kawai te Tia Kamaiu.
E na riai te aomata ni mena ikekei n tain karaoan te intawiu n te kuata?
Ni bon arona e karaoaki n te itaramata, ma e kona ni karaoaki n te tareboon, ke iaon raain ngkana e a kangaanga te kaitibo temanna nakon temanna. Ni bon arona, naake a itoatoa ana uaia ni kaea te intawiu ngkana a kona.
Tera te kantaninga ibukin te intawiu n te mwakuri n ibuobuoki?
Te intawiu n te mwakuri n ibuobuoki bon te tai are ana kona taari ao titita aika taan ibuobuoki n rinanoi bwai aika a riki n te tai anne, karaoan babaire ibukin taai aika ana roko, ao ni karekei buoka aika a kainanoaki nakon temanna ke te utu are a katabeaki ibukiia. Bon te tai ni marooro ibukin nooran bwai ni ibuobuoki are e kona te kooram ao te Bootaki n Aine ni karekei.
E kangaa arou n tobwai bwai aika a kainaki taekaia ke bwai ae kai roota te namakin?
Taari ao titita aika taan ibuobuoki a tibwai rongorongo aika a kainaki ti nakoia beretitenti n aia kooram unimwaane ao te Bootaki n Aine—ke nakon te bitiobi Rongorongo aika a kainaki taekaia ke ae e kai roota te namakin ana bon aki tibwaki n tain te marooro ni kauntira n te moan Tabati.
Te Marooro ni Kauntira n te Moan Tabati
Irarikin te intawiu n te mwakuri n ibuobuoki, te marooro ni kauntira n te moan-Tabati bon teuana naba te kawai ni kairiia tabeman n te mwakuri n ibuobuoki. N tain te marooro n te Bootaki n Aine ao n aia kooram unimwaane, te kairi mai iroun te tamnei e kona n roko nakoia ake a marooro rinanon te tamnei ao mai irouia tabeman n te kurubu.
N tain te marooro n te Bootaki n Aine ao n aia kooram unimwaane, te kairi mai iroun te tamnei e kona n roko nakoia ake a marooro rinanon te tamnei ao mai irouia tabeman n te kurubu.
-
“Te uaia ni marooro nikabane ibukin tabeia kain te tabo, bwai aika a kona ni karaoaki, ao kakaewenako;
-
“Reirei i marenamii man ami atatai ae nano ao ami taneiai; ao
-
“Bairei kawai ni mwakuri i aon namakin are a reke mai iroun te Tamnei.”3
Te marooro ni kauntira e riaon riki ae ti te kakarabakau: te marooro e kairira bwa ti na mwakuri n tatabemaniira ke n te kurubu ngkai ti kairaki iroun te Tamnei. A kona membwa n namakina te kan kakoroa nanon ana mwakuri te Uea mai imwin te marooro aei.
Kakao nakon te Mwakuri
“Ara tataro n te bong aei,” e taku Unimwaane Jeffery R. Holland man te Kooram n Abotoro n te Tengaun ma Uoman, bwa ni kabane mwaane ao aine—ao ikawai ake kairake ni mwaane ao kairake n aine—bwa ana kabanei nanoia ni buokiia tabeman, ni kakorakoraaki man ana tangira Kristo ae itiaki.”4