Ni Karokoa Ti a Manga Kaitiboaki
Ara Boutoka ni Kamatoa
Man te marooro ae reke man “weteaki ao n rineaki” n te maungatabu ni kabuta n Okitobwa 2005.
E kairaki iroun te Tamnei ni baireana n te mwaiti ae ababaki e reke man kaboraoan maiura ma … burabeti, taani mamata ao taani kaotioti.
I tangiria n taetae iaon nakoa aika tabu ibukiia taan kairiiri n te nakoanibonga ake a tia ni “weteaki ao n rineaki” (R&B 55:1) ni kaira te Ekaretia inanon te bong aei. …
… Tariu [n te Kooram n Abotoro n Tengaun ma Uoman], n aki katikuia bon mwaane aika, karineaki, ao aika onimakinaki. I ataa nanoia. Ngaiia ana toro te Uea. Nanoia bon tii te beku ni weteaia ae korakora ao katean abanuean te Atua iaon te aba. Tarira ake a beku inanon te bong aei ao taai aikai a kakoauaki, a tia ni kataaki, ao a koaua. … A rang ni itiaki nanoia, ao a rang mwaiti bwaai aika a rinanona, e matata aia kantaninga, ao a rang nano wanawanaia n tamnei n te aro are e karaunano rokoia irarikira.
… [Ngke I weteaki, ao I reireinaki] bwa te bwai ae kakawaki ae N na riai ni karaoia n tai nako bon te rau ma Tariu. … E riki bwa te bwai teuana ae I tangiria ni karaoia ma nanou ni kabane.
… I a tia ni kunea bwa te kairi mai iroun te Tamnei ae abwabwaki mwiina bon tiku iaon irakin aia reirei Beretitenti n te Ekaretia, te Moan Beretitentii ao te Kooram n Abotoro n Tengaun ma Uoman—ni kabane ake a kamatoaki … bwa burabeti, taan mamata, ao taan karekei taian kaotioti. I aki ataia bwa ti na kanga ni kantaningaia bwa tina boraoi ma Tamnein te Uea ngkana ti aki boraoi ma ana reirei te Beretitenti n te Ekaretia ao burabeti, taan mamata, ao taan karekei taian kaotioti ake tabeman. …
Au maroro nakoia membwa n te Ekaretia bon boutokaan te Beretitenti n te Ekaretia, te Moan Beretitentii, te Kooram n Abotoro n Tengaun ma Uoman, ao taan Kairiiri ni Kabuta ma nanora ao tamneira ni kabane. Ngkana ti karaoia, ti na mena inanon te tabo n rooro ae mano. …
Ti riai naba ni boutoka ni kamatoaia ara taan kairiiri, ibukina bwa a tia naba ni “weteaki ao rineaki.” Membwa n tatabemaniia nako n te Ekaretia aio a na karekei reirei mairoun te bitiobi ke te beretitenti n te mwaanga, te titeiki ke te mition beretitenti, ao te Beretitenti n te Ekaretia ao raona ni beku. Akea temanna ae bubuti weteakina. Akea ae kororaoi. Ma bon ana toro te Uea ngaia, aika weteaki Irouna rinanoia naake a katauaki nakon te kaotioti. Naake a weteaki, ake a kamatoaki ao ake a katabuaki e reke irouia ara boutoka ni kamatoa.