Kairake n Ikawai
Ungan Nanoia Kairake n Ikawai ni Kabuta n te Ekaretia ni Maiuakina te Euangkerio
E na iai n tainako “reirei aika a na kaangaanga ibukiia aika mwaiti n ota ao ni kariai.” Ma e na iai n tainako te iango n rinea te onimaki iaon te raraoma ke te aki koaua.
Te kawai n riki bwa Ana reirei Iesu e kaonaki ma taian kakabwaia—kakabwaia aika ti atai ao aika aki nooraki.”1 Ma a na iai taai ngkana te kawai anne, e aki bebete ke n angaraoi. Te riki bwa ana reirei Iesu Kristo e kainnanoa te mwakuri ao te anganano, ao n tabetai e kaangaanga ni kakaea te ungannano ni maiuakin tuua ao karaoan anganano aikanne.
Ngkai te kairake n ikawai, ko bae n rangin n tabetabe naba ni karaoi tabem aika boou, karaoi iango ake a na iai mwiia aika a korakora ni waakin maium, ao ni baireia bwa e na kanga arom n riki bwa ana reirei Iesu e na karinaki ni maium ake imwiina. Irarikin anne, e na iai bwaai n ana tua ke n rongorongon te Ekaretia ke inanon reirein te euangkerio aika ko aki rangin n ota iai ao kabwakabwaka aika ko kaitara ma ngaai, ao tao ko teimatoa naba ni kantaningai kakabwaia ao n iai raraoma ke tabeaianga ibukin ana babaire te Atua ibukim.
Tabeman mai ibuakora a na titiraki n taai tabetai ngkana maiuakinan te euangkerio e botau ma kakabwaia aika ti a tia n anganaki n te berita. Ti na kona n kauntaeka ibukin aki namakinan te butimwaeaki irouia tabeman, bwa maiuakinan te euangkerio bon kabatiaan te mwakuri, ke e na taraa n rangin n rawata riki titiraki nakon kaekaaia. Ma te bwai ae katurua ana iango iaona bon te ungannano. Bukin tera ko karaoa te bwai ae ko karaoia ao ni maiu n arom are ko maiuakinna? Bukin tera ko teimatoa ni kawakin tuua, e ngae ngke akea ae mena irarikim n taraa te bwai ae ko karaoia?
N aki tabeakinna bwa antai ngkoe ao aekakira aron maium n te tai aei, te rinerine ni kakaea nanom ae korakora man karikirakean am onimaki iroun te Tia Kamaiu ao Ana euangkerio e a bon nakon am babaire.
Ti Na Nakon Antai?
Kakaean ao kawakinan te teimatoa ni karekea te ungannano ni maiuakinan te euangkerio tiaki te kakaewenako ae onoti n ara bong. E ngae ngke e mena te Tia Kamaiu iaon te aba, aomata a teimatoa n aki ota ao ngaia are a karinei iai reirei aika E anga. Tabeman Ana reirei a kakauongo ao E kabwarabwara te tua ae taraa ni kamatauningaia—Tabena ae te “berena ni kamaiu” (taraa Ioane 6:35–58). A kaeka ma te nano uoua, a taku, “E matoatoa te taeka anne, ai antai ae kona n ongora iai?” (Ioane 6:60).
Kristo, n norakina bwa e kaangaanga irouia kakoauaan ke butimwaean te reirei aei, e titiraki, “E katatatatangkami aei?” (Ioane 6:61). Irarikin are katukan aia onimaki iaon nanououaia, a mwaiti Ana reirei aika “kerikaaki, ao a aikoa manga ai riri ma Ngaia” (Ioane 6:66).
Ma ngke e titirakiniia nikiraia Ana reirei Kristo ngkana a na “nako naba,” Timon Betero e ti anga te kaeka aika a riai n anga: “Ti na nako n antai? e mena i Roum taekan te maiu are akea tokina” (Ioane 6:67–68).
Aron Reken Ungan Nanora
Betero e ataa aron reken ungan nanona. Ti mwioko iaon oin bukina bwa bukin tera ti karaoa te bwai ae ti karaoia n te euangkerio: ara koaua n te ao te onimaki iroun Iesu Kristo. “Ti kakoauako ao ti ataiko,” e kaeka Betero, “ba Teuare Moan te Raoiroi Ngkoe, are Natin te Atua” (Ioane 6:69; e kairaki ma katuruturuana). Man karekean te kakoaua ae korakora anne iroun Iesu Kristo, Ana aro, ao Ana mwakuri, ti kona ni kunea te nano ae korakora n reitinako ni maiuakina te euangkerio—e ngae ngke e taraa ni matoatoa, e ngae ngke akea temanna ae kinaa, ao riki ngkana tiaki koaua raoi bwa ti na karaoia.
E na kaangaanga taekinana n tainako.” Ma e na iai n tainako te iango n rinean te onimaki iaon te raraoma ke te aki koaua. N aron are e taekinna Unimwaane L. Whitney Clayton man te Beretitentii n te Itingaun, “Te babaire ni kakoaua bon te kabanea ni kakawaki n rinerine are ti tuai ni karaoia.”2
Ngaia are tera ae ti na karaoia ngkana ti a roko n tabo are bon ngaia raoi “e kaangaanga taekinana ao ke ni kariaia”?
1. Ira ana katooto Betero ao ana reirei Iesu ake tabeman aika a teimatoa n onimaki e ngae ngke e aki bebete ke e bebete ma a bon “nako.” Ongora nakon aia reirei burabeti, abotoro, ao mataniwi ake tabeman:
“Iai taai n maaku ke te nanououa ke taai ni kaangaanga, ma ti na kateimatoa te onimaki are ko a kaman karikirakeaki iai. … Taui ni kamatoai bwaai ake ko a kaman atai ao n tei ni matoatoa ni karokoa a roko atatai riki tabeua.”3
“Anaa teuana te mwaneka ae bebete n te onimaki—ao imwiina riki. … Kabanea am iango iaon koaua [aika ko karaoi] kakoauai ao kariai koaua aikanne bwa a na rin n [am] iango ao inanom. …
“… Moanna ma koaua n te euangkerio aika bebete.”4
2. Wareware n tainako man booki aika tabu ao iri aia reirei:
“Kamatebwai ma te tataro mwaaka ao iangoa Ana Boki Moomon ni katoa bong.”5
“Ngkana e kan toua mwin ana taeka Teuarei te aomata, ao e na ata te reirei, ba tao mairoun te Atua, ke tao I taetae mai Rou” (Ioane 7:17).
“Ao kam na riki ba taan toua mwin ana taeka te Atua, ao tiaki ti taan ongo” (Iakobo 1:22).
3. Reitinako ni kawakini taian tuua.
“Kaekai ara titiraki ma nanom ni koaua ngkana ti ukoukori raoi ni koaua ao ti na maiuakin tain tuua. … A kona ara onimaki ni buokira ni kakoauai bwaai aika akea nanoia nakoira n te tai anne.”6
“Ngkana ko teimatoa n ongotaeka, … ko na anganaki te atatai ao te ataibwai are ko ukoukoria.”7
N tokin te tai, ungannanora e riaon are e taekinna Betero. Ti kakoaua bwa Iesu bon te Kristo, ao E kaira Ana Ekaretia ao iai irouna taekan te maiu are akea tokina? E kona ara onimaki Irouna ni nakorakora riki nakon “ae kaangaanga taekinana” ti na aki kona n ota iai n te tai aei?
Kaniwanga n Maiuakinan te Euangkerio
Ngkana ti baireia bwa ti na tangiria ao n irira te Atua ao Iesu Kristo ao ni kawakin tuua nako a ngae ngke ti aki atai raoi, kaniwanga aika rangin n tamaroa. E titiraki te aro n aomata, “Tera ae I karekea man karaoakina?” E kaeka man te reirei n te euangkerio: “Te rau n te aonaba aio, ao te maiu ae akea tokina n te aonaba ae e na roko.” (taraa R&B 59:23; Ita 12:34; R&B 84:38; Motiaea 2:41); ao, n aron ae taekinna Unimwaane Dieter F. Uchtdorf man te Kooram n Abotoro are Tengaun ma Uoman: “Ikai [inanon te Ekaretia] ko kona ni kunea te bwai ae kakawaki ae akea kabotauan boona. … Ikai ko na kunei taekan te maiu ae akea tokina, te berita ni kakabwaia ni kamaiuaki, ao te kawai nakon te rau ao te kukurei.”8 Ti na taekin tabeua.
Ngkana ti kabanea ara tai n ira Kristo ao ni karinei Ana tua, ti na karekei bwaai ni kabane ake a tia n taekinaki n te berita ao a mwaiti riki. Tiaki nanona bwa e na bebete ke n ota te kawai n tainako, ma te berita are ti a tia ni beritanaki iai ngkana ti teimatoa ni manga kaokaki rinanon maiura ao riki imwiin maiura ae mamate.
E ngae n anne, e rangin ni kamimi kakabwaia aikai, aki riai n riki bwa ungan nanora ibukin maiuakinan te euangkerio. N aki tabe bwa tera am titiraki are e reke iroum tai tabe bwa tera reirei aika ko aki ota iai, ma e kakawaki riki am onimaki iroun Iesu Kristo ao Ana Mwakuri ni Kamaiu are ngaia bon kingin nanom ni maiuakina Ana euangkerio, n ai aron te kawai naba are karaoia Betero ao tabeman.
“Ungan nanora ao ara iango a kakorakorai ara mwakuri,” e taku Unimwaane Uchtdorf. “Te kakoaua ni koauan Ana euangkerio Iesu Kristo ae kaokaki bon te kabanea ni mwakaroiroi ibukin kaungakin maiura. E aki toki ni kaokiokia Iesu aron mwaakan te iango ae raoiroi ao naano aika riai: ‘Tanimai nakoiu n ami iango n taai nako; tai nanououa, tai maaku.’ (R&B 6:36).
“Ana kakoaua Iesu Kristo n te euangkerio ae e a tian ni kaokaki e na buokira inanon maiura n reiakina ana babaire te Atua ae onoti ao ni makuria imwiina. E anganiira te koaua ni koauan raoi, koauan, ao tamaroan te Atua, n reirein Ana Mwakuri ni Kamaiu Iesu Kristo, ao n ana wewete mai ieta nakoia ara burabeti ni boong aika kaitira.”9
Ao ibukiu, N na teimatoa ni kataia, e ngae ngkana e na kaangaanga. N na teimatoa ni karaoa au tataro ao au kamatebwai ni booki aika tabu. N na kataia ni karaoa au kona ni kakorakoraa au onimaki iroun te Tia Kamaiu ni katoa bong. Ao N na teimatoa ni kataia ni maiu n aron ae E tangiria bwa N na maiuakinna ao n onimakin Ana taeka ao Ana burabeti aika maiu ao abotoro n reireinai bwa N na kanga, n onimakinan te ungannano are e riki tiaki ti man au onimaki inanon ao au tangira Ibukina ma man Ana anga karea ae akea tokina ao Ana tangira ibukiu.