Te Anga Nano ni Mwakurin te Karao Wii i Kiribati

Inanon 15 te ririki Dr. Wayne Chisholm mai Monroe, Utah e a tia ni kaoiia tan anga nano mai Aotiteria, Tonga, ao mai Amerika bwa ana ibuobuoki n anga te mwakuri ni karaoan te wii nakoia ataein te reirei, tan mwakuri, ao tia reirei man te Moroni High School ao mitinare Irouia Aika Itiaki ni Boong aika Kaitira.

Te ibuobuoki, bwaai n aoraki ao bwai ni mwakuri bon bwai n anga nano ao a katauraoaki inanon te maan ae teniua te wiiki ni moan te ririki.

Mwina ae e korakora bon kerikakin aorakin te wii ao karababan te atatai n itiakin te wii.

Dr. Chisholm e a tia ni kaira kabobongaan te kiriniki ae e teimatoa kabonganakina i Pasanga High School i Apia, Tiamoa, ao n te Liahona High School i Tonga.

N te abamwakoro teuana i Kiribati ae Abaiang, te mwakuri ni ibuobuoki iaon karaoan te wii e karaoaki n ana tabo te Katorika n te maan ae uoua te wiiki iroun Clyde Larsen. N te tai anne ao e kaaniia 800 te wii ae e koutaki, 350 te bono wii, 600 ataein te reirei aika a reiakinaki tuan itiakin te wii ao a kaitiakaki wiia inanon reirei ni kawa nako; a kawaraki reirei aikai ni bao rebwerebwe.

Te aroaro iaon Abaiang e bon tiku n arona ngkoa. Mitinare are a bwanin aia tai n aron Titita Silito ao Titita Robison ao Elder Weenig ao Elder Sanf a ibuobuoki n tabetai—te mwakuri 10 nakon 12 te awa n te bongina, onoua te bong n te wiiki ae e reitinako.

Dr. Larsen e kabwarabwaraa bwa kainanoan te karao wii e bon “taonamoana”, ma e taekina bwa kain te tabo a bon rang akoi ao n taotaonaki n nano—a konaa n tekateka iaon te inaai n te tai ae maan n taninga aia tai.

E taku: “E noraki bain te Atua ni mwakuri tiaki ti n tebongina ma nikatoa tai. Bon te kamimi bwa ti konaa n riki bwa ana tabonibai te Atua ni buokia tekoraki aikai—bon tiaki te bwai ae manikangareaki te mwakuri aei irouia nake anga nanoia ni mwakuri.”