5 Kawai n Reiakinaki man te Maungatabu ni Kabuta
Maungatabu ni kabuta bon te tai ae moan te tamaroa n ikotaki ma kain te Ekaretia ni kabuta te aonaaba n ongora irouia taan kairiiri n te Ekaretia ao ni karekei kaetieti mairoun te Uea. Matakuakinana, ongoraeakinana, ao kamatebwaian rongorongo man te maungatabu ni kabuta a na uota te Tamnei nakon maiumi ao ni buoka karekean ami kakoaua. Bon am tai ni karekei ao ni karaoi bwaai ake ko karekei n te kaotioti nakoim.
Aikai nimaua kawai ake ko kona n reiakin man te maungatabu ni kabuta.
1. Korei am titiraki imwain ae e waaki te maungatabu ni kabuta
Anaa te tai ni korei am titiraki imwain ae e waaki te maungatabu, ao imwiina kakauongo raoi nakon kaeka ake a roko nakoim n tain te maungatabu. Am tataro ao am titiraki a kona ni kaekaaki ngkana ko iri ao ni kakauongo nakon te Tamnei.
2. Ukoukora te Reiakinaki iroun Kristo
Kabwarabwara man Kristo ao te Ataeinimwaane ae te Kaubwai, iroun Heinrich Hoffman
Burabeti a kakoaua ao a reirei taekan te Tia Kamaiu (taraa Makuri 10:43). Ngkai ko ongora nakon rongorongo man te maungatabu, ko kona n iangoa te bwai are e reirei iaon te tia taetae ibukin Iesu Kristo. Ko kona ni karaoa rinanin am koroboki.
3. Taratarai taian botoniango
Tamnei iroun Getty Images; tamnein te ataeinimwaane i taubukin te maunga iroun Joshua Earle/Unsplash
Imwiin matakuakinan tabeua maungatabu ni kabuta, ko kona n ataia bwa ko a tia n ongo atuun te rongorongo ke te botoniango ae taekinaki ae raka iaon teuana. Baeten ake ko noori a kona n ae teuana man ana kawai te Tamnei ni buokiko ni kinaa te bwai are ko riai n reiakinna.
4. Korei bwaai aika ko reiakin man Ana Boki Moomon
Ko kona n reiakina ae mwaiti man am kakauongo raoi nakon koroboki aika a tabu ake a taekinii taan kairiiri n te Ekaretia, riki ana Boki Moomon, are bon “kingiin ara ekaretia” (kabwarabwara ana Boki Moomon). Taraia ngkana ko kona n taua mwiina ni katoa tai are e taekinaki iai n te maungatabu ni kabuta. Kona rang ni mimi n te bwai ae ko kunea!
5. E na kaungaaki nanom ao e na anaaki nanom bwa ko na karaoia
Korei rongorongo ao taetae ake a taekinaki ake a kaunga nanom ke a kaoko ni karaoan te mwakuri. Aio e kona ni buokiko ni karaoa are ko reiakinna—ao e buokiko n uringii am iango ake ko riai n ururing imwiina!