Te Reirei bon te king ibukiia kairake aika ikawai

N tian kanoaan arana bwa e na ira te reirei iaon raain ma te BYU-Hawaii, Rumetati Taarie ae 24 ana ririki ae iaon kawaina ngkai ni bane ana kooti iaon Ana Boki Moomon.

E bane ana tai man ana mition i Aotiteria Iterine Mainiku Mition n 2014. Inanon ara tai ni marooro e “matangare” ngke e uringa ana kanganga n aki mataata n te bwai are a taekinna aomata—tiaki tii naron aia ee n taetae ma kabonganan naba taeka ae e bati ni babainaki n aia tabo ae e rangi ni iruwa iai—ma, e bon tangiria n reiakinii katei aika kakaokoro ao e a uringii aron ana iraorao ae e tamaroa ma aomata ikekei.

E a bon tia Rumetati ni kaitara ma kanganga aika mwaiti i mwain nakona n mition. E mate bwebwena ae te mwane ngke a rang uarereke ao a manga raure ana karo ma tinana. E ira tamana n nako Niutiran ni motirawa ngke waniua ana ririki ao e karaoaki ana karuaiua n koronririki n te tabo naba anne. I mwina ao a kaitibo ma mitirare are a babetitoia nakon te Ekaretia. E kananokawaki bwa e mate tamana n 2003 ao e a kaikawaki iroun ai tinana.

E bua ana reitaki Rumetati ma tinana ao e bon aki kinaa naba, ni karokoa te tai teuana ngke e okira Kiribati imwin ana mition, ao e mena n te titoa, e a ongo irouia tan bobwai tabeman bwa tinana e titirakiniia ngkana a kinaa Rumetati—n tokina, te manga kaitibo!

E mwakuri moa Rumetati bwa te tia kanako bwanaa imwain ae e ibuobuoki n te JSSTUC1 te kauarinan n reirei i Kiribati; te mwakuri ae bane nanona iai.

Tangiraia ataei irouna e a buoka Rumetati ni karekea ana iango bwa e na karaoa te buroukuraem n te tenua n ririki n reiakinaia ataei n te moanrinan. E taku: “I tangiria n anga reirei n te moanrinan ao tao n te tai teuana, n tai aika ana roko, I tangiria n reireiniia n aron bon oin natiu.“

E a kaman uruaki ana laptop Rumetati n tai aika nako—raoraona temana e kariaia bwa e na kabonganaa ana kombiuta ni karaoa ana kamatebwai iai i Teaoraereke Titeiki Tienta. E kabanea tao 4–6 te awa ni katoa bong ni kamatebwai bwa e aonga ni konaa n nikira ana bwai n reirei ake a atia iaon taia.

E tangiria ni wareware ni booki aika tabu ao e kakaraoia ni katoa bong. “I namakina ana tangira Tamara are Ikarawa ni katoaa te tai are I wareware ni booki aika tabu—ao karaki ibukin te onimaki a bon ringa nanou.”

Ngkana tao te rabakau n aonaba ke te rabakau n tamnei, e korakora nanon Rumetati n reiakinii. E kantaningaa te nakoraoi, ni kakukurei ibukin taai aika ana roko ngkai e reiakiniia tabeman mwin are e a tia n reiakinna.

“I kan riki bwa te taokita n te tai teuana,” e taku Lyalyn Otia Nebati ae 22 ana riki ngke I titirakina bwa e aera ngkai e anaa ana kooti n te kemetituri iaon raain: “Bon ibukina naba,” e a manga reitia, “Au karo a reiakinai bwa ngkana I tangira te maiu ae e nakoraoi n tai aika ana roko na riai ni kamatebwai!”

E uringa tamana Lyalyn are e a tia ni kitaniia n 2009. Tinana, are e mamate nanon Lyalyn irouna, bon te tina ae e tamaroa. E mwakuri n te tautaeka n te Aauting ao e tararuaa naba Lyalyn ao teniman riki tarina ao mwanena (ngkai uoman a bon maiu ibon irouia).

E tangiriia aomata Lyalyn ao e kaongoraeai kanoan teuana aia marooro ma te tia mwakuri n te tabo ni kouwii are e tuanga bwa a bon rangi ni karako taan mwakuri n te kouwii iaon te Betebeke. E taku Lyalyn, “I tangiria n riki bwa te taokita—ke te tia kouwii—te ibuobuoki nakoia kain au kawa bon kaman au iango inanon maiu.”

E bungiaki Lyalyn n te aba ae uarereke ae Nauru. E maeka ngkai ma tinana ao tarina ma mwanena iaon Tarawa i Kiribati ao e karaoa ana reirei iaon raain ni kabongana Teaoraereke Titeiki Tienta n toma ma te intanete ao kateitei ake ruu ni kamatebwai. E kantaningaia bwa e na reke ana beba man te Reirei ae e Rietata n te Betebeke ao e kabanea ngkai ana tai ae mwaiti, tiaki n tii kamatebwaia te kemetituri, ma te Ingiriti naba.

Ngkai bon ataein ngkoa te reirei ae te Moroni High School, e a tia n reiakina te kakukurei ao ni katoonga n taai nako te korakora are e reke man kamatebaian te euangkerio. E tekeraoi, bwa e tangiria n kan reiakinii bwai Lyalyn ao ngke e mena n ana mition i Biribin e rang tauraoi n tibwauaa ana atatai iaon te euangkerio.

Bon ataein te Intitute ae e taningamarau Lyalyn—ai bon tii tabeua riki kakoroan ana awa ni kooti imwain ae e bane ana tai. “I tangira te Intitute,” e taku, “. . . e bon raka riki karekean te reirei n tataneiai iai nakon te Tieminari. E anganai kamatatakiu n ana reirei te Ekaretia aika a korakora.”

Ma tiaki ti aikai! E a tia n reiakina aron te mwakuri n te mweenga Lyalyn. Ni katoa ingabong e kaitiaka te auti ao ni karaoi tabena imwain nakona n reirei n ataia bwa ana mwakuri e kakabwaiaia ana utu iai.