Ua Ou Fiafia Sa Ou Faalogo
Alan B. Sanderson
Iuta, ISA
Ata na tusia e Allen Garns
I le ogatotonu o se aso pisi i lou ofisa e suesue ai neroni, sa tuai lau faasologa o mea fai. Ae o le mea e sili ai, e tasi le suesuega na vave ona uma. Sa ou lagona le mapu a o ou tu i luga o le a ou alu, ae na amata ona tau mai e lau mai se mea e le aofia ai i le ma talanoaga. E ui i lou le onosai, na ou lagona le tatau ona ou toe nofo i lalo ma faalogo.
Na ia tau mai e le i mamao atu ae sa amata ona lagona e lona toalua le mai. “Na iloa e ia le mea na tupu,” na ia fai mai ai, “ae sa le tauina mai e ia ia te au aua sa fefe o ia e alu i le falemai.”
I totonu o ni nai aso, sa ia faaalu lona taimi atoa i le moega. Sa ia le malamalama ma sa le i manino pe a talanoa mai o ia. O la’u ma’i e iai foi ona ia faafitauli matuia o lona soifua, ma e lei umi sa faatetele o laua tulaga. Sa le mafai ona tausia e le tasi le isi. Ina ua asiasi atu ia i laua le uso o le toalua o la’u ma’i, sa popole o ia. Na ia valaau mo taavale e lua o le falemai e aveina atu i laua i e falemai. Na vave ona maua e fomai o lona toalua ua maoae le tulaga o lona kanesa o le susu.
“Ou te le i toe talanoa lava i lou toalua,” na fai mai ai le tamaloa.
Sa mafatia lona toalua i le mai oso o le fatu ma sa faaola i le masini. Na faamatala mai e la’u ma’i le tulei mai i le nofoa faataavalevale mai lona lava potu o le falemai i le iunite o gasegase tigaina e vaai i lona toalua mo le taimi mulimuli. Ona ia fai atu lea i fomai e aveesea masini o loo faaola ai.
Sa le gagana o ia. Ae sa ia fai atu mea uma sa ia manao e tauina atu. Sa ou fai atu ia te ia sa ou lagona le faanoanoa. Na ia faatalofa mai ma alu ese loa. Ua ou fiafia sa ou toe nofo i lalo e faalogo. Ua ou fiafia sa ou le alu ese atu ina ua ou manatu ai. E faapefea ona lagona pe ana ou faavavevave ese atu ma le potu i le taimi lava o le a ia faasoaina mai ai lona mafatiaga?
Ou te le iloa pe aisea na faasoa mai ai e lau mai lana tala ma au i lena aso, ae ou te iloa le mea na ala ai ona ou faalogo. Na aoao mai e Alema o i latou o e naunau ina ia papatisoina ma mulimuli ia Iesu Keriso o le a “loto ina fesui ia outou avega, … ioe, ma ua loto e fanoanoa faatasi ma e e faanoanoa; ioe, ma faamafanafana atu ia te i latou o e e tatau iai le faamafanafanaga” (Mosaea 18:8–9).
Sa tauave e la’u ma’i se avega, ma i se auala itiiti, e mafai ona ou fesoasoani ia te ia e tauave ai. Sa faanoanoa o ia, ma e sa ou faanoanoa ma ia. Sa ia tulai e manaomia se faamafanafanaga, o lea sa ou faamafanafana ai ia te ia. I lenei auala faigofie, sa ou taumafai e faamamalu lau folafolaga e avea e faaapei o lou Faaola.