E Finagalo o Ia mo le Mea Sili mo A’u
Saunia e Elder Hugo E. Martinez
O Le Fitugafulu
“E Alofa Lo‘u Tama Faalelagi Ia Te A‘u” (Tusipese a Tamaiti, 16).
A o o’u laitiiti, sa ou fiafia e fai mea sa faia e lou tama. Sa galue o ia o se fomai. Na masani ona ou alu atu ma ia i le falemai, sa ou vaai ai o fesoasoani o ia i tagata gasegase. O le vaavaai i lou tama na fai ma mea sa ou manao ai e avea foi o se fomai.
I se tasi aso sa ou savali atu ai ma lou tama i le falemai. Sa savali atu i fafo se tasi fomai. Na ia iloa mai au ma fesili i lou tama, “O lou atalii lea?” Sa tali atu lou tama ioe. Na tootuli le fomai e vaai mai ia te au. Na ia fesili mai, “O le a lau mea e fai pe a e matua?”
Sa ou tali atu, “Ou te manao e avea o se fomai e pei o lou tama.” Ona ia faapea mai lea, “Ia, ou te faamoemoe o le a e lelei o se fomai e faapei o ia.” Ae sa faapea mai lou tama, “Leai, ou te manao ina ia sili atu lona lelei na i lo au.”
O lena na fesoasoani ou te iloa ai e alofa tele lou tama ia te au. Na manao o ia mo le mea sili mo au.
I ni tausaga mulimuli ane sa ou toe mafaufau ai i lena taimi. Sa aoaoina au ma lo’u toalua e faifeautalai. Na fesili mai faifeautalai ia te au, “E te talitonu e mafai ona avea oe e pei o le Atua?” Sa lei ou mafaufau lava i lena mea. Ae sa ou manatu, “Afai o le Tama Faalelagi o lou lava Tama, o le a finagalo o Ia mo le mea sili mo au, e faapei ona faia e lou tama. E finagalo o Ia ia ina ia avea e faapei o Ia.” O lea na ou faapea atu ai i faifeautalai, “Ioe, ou te talitonu e mafai ona avea au e faapei o lou Tama Faalelagi.”
I taimi na ou tali atu ai, na ou iloa ai o le mea sa ou faiatu ai e moni.
Ou te manao ina ia e iloa e alofa tele ou Matua Faalelagi ia te oe. E finagalo i Laua mo le mea e sili mo oe. E mafai ona avea oe e faapei o i Laua. ●