Aapa Atu ia Ken

Ata

young men playing basketball

Ata na tusia e Lisk Feng

Ina ua 16 o’u tausaga, sa ou siitia atu i se uarota Taiuanisi. O Ken, e 13 ona tausaga, sa faatoa maea ona papatisoina. Ae le i leva ona maea lona papatisoga, sa toeitiiti lava e lei auai Ken i se lotu. Sa iai lou naunautaiga e fesoasoani ia Ken e toe foi mai i le lotu. Sa ou valaaulia o ia e auai i le tele o gaoioiga a le Ekalesia. Sa taalo Ken i le pasiketipolo i le Mutuale ma auai i le aufaipese a le autalavou. O ia ma lona tuafafine o Linda, sa amata foi ona auai i vasega Igilisi e leai se totogi na aoao e lo’u aiga ma faifeautalai. E lei pine ae amata foi ona auai Linda i gaoioiga a le autalavou. Ua ou vaai i le aao fesoasoani o le Atua ia i tatou.

Sa mafaufau le aiga o Ken pe aisea na taumafai ai lo’u aiga e fesoasoani ia Ken ma Linda. Sa matou tau atu ia i latou ua aumai e le talalelei le olioli sili ia i matou, ma e matou te naunau foi i isi e maua lena lava olioli ma le filemu mai le Faaola. Mulimuli ane, na talia e Ken ma Linda la matou valaaulia e o i le lotu. Sa sau Linda ma maua se aafiaga matagofie. Ae peitai, sa ma’i Ken, ma ina ua ou tatalo i se mea ou te faia e fesoasoani ai ia te ia, sa ou lagona le uunaiga e tatau ona matou avatu ia te ia le faamanatuga. Faatasi ai ma le faatagana a le epikopo, sa o atu lo matou aiga i lona fale, ma sa fesoasoani lou uso ia te au e taulimaina le faamanatuga mo ia. Sa matou asiasi foi ma lona aiga. Sa ou lagona le filemu.

Sa tatalo lo matou aiga mo Ken, ma e sa matou lagona uma le alofa mo Ken ma lona aiga. Na faaauau pea e le autalavou ma tagata matutua i le uarota ma le siteki ona faaaumea ia Ken ma Linda. O taumafaiga tuufaatasi a tagata o le Ekalesia e auauna atu o loo fesoasoani ia Ken ma Linda e lagonaina le alofa o le Faaola. O le aafiaga o le taumafai e auauna atu e faapei o le Faaola ua aumai ai le olioli sili i lou olaga. O le auauna atu o le galuega a le Alii, ma ona o Lana galuega, o le a taitaiina ai e Lona aao a tatou taumafaiga e auauna atu.