Ua I Ai Iinei le Ekalesia
Sini, Ausetalia
I talafatai o le matafaga o le taulaga faalenatura matagofie o Sini o loo tu ai se falesa e feiloai ai ni faalapotopotoga se 4 o le 309 o le Au Paia o Aso e Gata Ai o Ausetalia mo a latou sauniga: e tasi i le gagana Peretania, Toga, Sipaniolo, ma le Mandarin Saina. O lea eseesega o uiga masani o Sini, o se eria e malosi ai aafiaga faaleaganuu mai le lalolagi aoao.
Na faaulufale mai le Ekalesia i Ausetalia i le 1840, e se alii e 17 ona tausaga o William James Barratt, mai Peretania Tele. Sa ia papatisoina le tagata Ausetalia muamua liliu mai, o Robert Beauchamp, na mulimuli ane avea ma se peresitene o le misiona.
Na feagai uluai tagata o le Ekalesia i Ausetalia ma ni osofaiga matuia mai nusipepa, ma o le toatele o tagata na malaga ese atu i Iuta, ISA. Ae peitai, sa tutumau pea le Au Paia o Aso e Gata Ai o Ausetalia, ma i le faagasologa o tausaga na amata ai ona ola le Ekalesia. I le taimi nei, e silia ma le 151,000 tagata o le Au Paia o Aso e Gata Ai i Ausetalia, ma ua viia e auaunaga o talafou faasalalau mo galuega alofa fesoasoani mo faalavelave faafuasei ina ua tuanai mala faalenatura e pei o mu o le vaomatua ma afa.
-
O le uluai misiona na tatalaina i Ausetalia i le 1851, ma ua ono misiona ua iai nei.
-
O le uluai falesa i Ausetalia na fausiaina i Perisipeni i le 1904.
-
Na faapaiaina le Malumalu o Sini, Ausetalia i le 1984, sosoo mai ai ma malumalu o Adelaide (2000), Melepone (2000), Perth (2001), ma Perisipeni (2003).