O le Malaga Umi a Elder Holland

E femalagaai Aposetolo i le lalolagi aoao e auauna atu i tagata ma aoao i latou e uiga ia Iesu Keriso.

Sa malaga faatasi Elder Jeffrey R. Holland ma Sister Patricia Holland ma Peresitene ma Sister Nelson e asiasi i tagata o le Ekalesia i le lalolagi aoao. Sa latou asia ia atunuu e valu. I mea taitasi sa asiasi iai sa latou feiloai ma le afe o tagata o e sa fiafia lava e vaai i se perofeta ma se aposetolo.

Toetoe o nofoaga uma sa latou malolo ai ua iai se malumalu pe o le a iai se malumalu i se taimi lata mai. ●

O le nofoaga muamua na malolo iai o Ierusalema, Isaraelu. Sa latou vaai i le Mauga o Olive, o se nofoaga na aoao atu ai e Iesu Ona soo, ma le A’ai Tuai o Ierusalema, na femaliuai ai Iesu.

Na sosoo ona latou asiasi i Kenia, o se atunuu i Aferika o le a fausia ai se malumalu. Na fautuaina e Elder Holland tagata e aoao o latou talafaasolopito o aiga ma o mai i le malumalu pe a maea. “E leai se mea e sili ona faamanuiaina ai outou,” na ia fai mai ai.

Na fiafia Peresitene Nelson ma Elder Holland e asiasi i tagata o le Ekalesia i Initia. Sa laua saili se nofoaga e fausia ai se malumalu iina o le a avea ma uluai malumalu i lena atunuu, e sili atu nai le piliona le aofai o tagata!

“E i ai sa’u molimau o le a faatasi pea le Atua ma i tatou. Ua Ia tuuina mai ia i tatou se perofeta e taitaiina i tatou. O le a Ia le tuua lava i tatou. O le a Ia le tuulafoaiina, pea lava i tatou.”