Karaki mani Booki Aika a Tabu
Aomata Aika Onimaki A Iriira Iesu
Wareka taekan aei inanon 3 Nibwaai 17 rinanon 4 Nibwaai 1.
Kamataata n te tamnei iroun Apryl Stott
Ngke e kawariia tenaan Nibwaite ao Reimanaite Iesu, E reireiniia aron te bwabetito ao aron anakin te toa. E Katea Ana Ekaretia.
E kakabwaiaia ataei n tatabemaniia Iesu. A roko anera! Iesu e kamaiuia aomata ao e tataro ibukiia. Imwiina ao E oki nako karawa.
Imwiin nakon Iesu, aomata a teimatoa ni karaoa te bwai ae E a tia n reireiniia. A bane aomata ni uaia ni mwakuri ao n tibwauai aia bwai, ngaia are akea aika a rarikin. Taan kairiiri n te Ekaretia a kakabwaiaia naake aoraki.
Irarikin are te un, aomata a rineia bwa ana nakoraoi. A bane aomata n irii ana tua te Atua. Ao a kukurei n te tai ae maan!
Maiu e na kukurei riki ngkana I irii ana tua te Atua. I kona n tibwai bwaai ake irou ma tabeman. I kona ni buokiia aomata bwa ana nakoraoi.