Nakomai, Iriirai: Ana Boki Moomon
Ti kanga n ira ana “mwakuri ae kamimi” te Uea?
(Okitobwa 12–18)
Ibuakon bwaai aika a mwaiti ake e reireiniia Nibwaite te Tia Kamaiu, E reireiniia taekan ikotakiia Iteraera ao n tuangiia bwa a na kamatebwaia koroboki aika a tabu ao ni kawakin rongorongoia. Tina kanga n irii reirei aikai n te bong aei?
Ira Karaoan te Mwakuri
Iesu Kristo e taetae ni burabetiia te “mwakuri ae kakannato” inanon boong aika kaitira (taraa 3 Nibwaai 21:9). Te mwakuri anne bon ikoikotakiia Iteraera. Beretitenti Russell M. Nelson e arana aio “te bwai ae moan te kakaawaki ae riki iaon te aba n te bong aei” ao e taku, “Ngkana ko rineia, ngkana ko tangiria, ko kona n riki bwa ngkoe mwakorona.”1
-
Ko na kanga ngkoe ma am utu n reiakina ae mwaiti riki ao n ira ikoikotakiia Iteraera?
Ukoukora aia Taeka Burabeti
Te Tia Kamaiu e tuangiia Nibwaite bwa a na “ukoukouria burabeti” (3 Nibwaai 23:5). Iai tibwangara n ongo irouia burabeti aika maiu ao tabeman taan kairiiri n te Ekaretia n taetae ni maungatabu ni kabuta.
-
Tera ae ko kona ni karaoia ni karekea ae mwaiti riki man te maungatabu ni kabuta?
-
E kanga “ukoukourakia burabeti” ni buokiira n ikotia Iteraera?
Korea te Rekooti
Iesu e tuangiia ana abotoro ake Nibwaite bwa a na kawakina rekootin Ana reirei ao ana taetae ni burabeti Tamuera te Remwanaite (taraa 3 Nibwaai 23:4, 6–13). N aron naba aei, ti kona ni kawakin rongorongon maiura ni buokiira ao n reireiniia tabeman.
-
Iai taneiai n te maiu n tamnei ae ko tuai n tau mwiia?
-
Kona kanga n taui mwiin bwaai ake e reireiniko te Atua?