Te Tai n Amwarake n te Tawanou ae Kamaroa
E maeka te tia korokaraki i Utah, USA.
Kali e ti tangira raoraona.
“Te Tamnei ae Tabu e wirikiriki ma te bwanaa ae maaraara ma ni bebete” (Aia Boki n Anene Ataei, 105).
E nakonako Kali nakon te ruu ni katawanou ao n taratara nako. Ataei ni kabane ake tabeman a biri nakoia raoraoia ao ni bootaki n te taibora. E karongoa te ruu ma bwanaa ao ngarengare ni kukurei. Ai tibwa te kauoua ni bong n te reirei, ma e tara n ae a bane n iai raoraoia n tekateka ma ngaai ma ti Kali.
E koona bwain tauan ana bwaoki n amwarake ao e nakonako nakon teuana te taibora. “I kona n tekateka irarikim?” E titiraki Kali.
Te ataeinnaine ma ana bwaoni, ae buraun e tararake. E ngurengure ao e ioioa atuna. “Ko aki. E tabetabe bwa iai temanna ae na tekateka iai,” e taku.
“E Raoiroi.” E nako Kali nakon teuana te kaintekateka ae akea kaina ao ni katuka ana bwaoki n amwarake iaona.
“Ko aki kona n tekateka ikai! I kamwawaa te kaintekateka anne,” e taku te ataeinimwaane ae kuriin ana karinano. E butuanako ana bwaoki n amwarake Kali nako aontano. A bane ni ngare raoraona.
Kali e baraaki ao ni manga anaa a na bwaoki n amwarake. E nakonako rinanon te ruu ni katawanou ao n tekateka n te taibora ae akea kaaina. E noora temanna ae kaain rarikiia ao ni kataia n ioioa baina, ma e tara te tabo teuana. E mimi Kali. Bukin tera akea ae tangiria ni kan riki bwa raoraona?
E baraaki Kali n taraa kanana. E aki tangiria ni kan manga amwarake. E kaoi ranin matana, kaina ana bwaoki n amwarake, ao n nakonako itinaniku.
A bane aomata n kaman tia n takakaro ma raoraoia. E tekateka Kali n tingaia iaon te kaintekateka ao ni matakuakiniia ataei ake tabeman ni kukurei n akea ngaia. Ngkanne Kali e nora te ataeinimwaane ae tao rorona n tekateka n tingaia iaon te uteute. E bwaina te kabwaraaki ae babobo ni memea, ao irana e teirake ibukin atuuna.
Kali e tannako. E noria kurubu n ataeinnaine man ana kiraati n takakaro n te aua n tikuea. E kantaningaia bwa ana kaoa bwa e na takakaro ma ngaia.
Kali e a manga tara riki te ataeinimwaane. Atuuna e tinetine nako naano, ao e rikoi uteute aika a katotobia waena. Kali e uringa tebwai teuana are e taekinna Mom n tabetai: Taraia ataei ake a tiku ni maroa.
E mimi Kali. E maroa naba. Akea ae kataia n riki bwa raoraona!
Ma ngkanne Kali e iangoa te tai are e bwabetitoaki iai n te ririki ae nako. E berita bwa e na kakauongo nakon te Tamnei ae Raoiroi. Tao te Tamnei ae Raoiroi e buokia n uringa te bwai ae tuangnga Mom. Tao e kataia te Tamnei ae Raoiroi n tuangnga bwa e na takakaro ma te ataeinimwaane ae babobo ana karinano.
E mama Kali ao e teirake. Te namakin n tangira e butanako inanona. E nakonako nakoina ao e tekateka irarikin te ataeinimwaane iaon te uteute.
Mauri, e taku.
Mauri, e taekina te bwai ae aki mataata raoi.
“Tera am kara ae mamate nanom iai?”
“Um … te kuriin.”
“Akea te kaangaanga. I tangira te bingke,” e taku Kali. “Iai am man ae mamate nanom irouna?”
E tekateka te ataeinimwaane ni kaeta nukana ao n taraia. “Eng. I rangin n tatangirii dinosaurs.”
“O, ngai naba. Mamaten nanou bon te triceratops.”
E moangare te ataeinimwaane.
Ngkanne e a tang te beero. E teirake Kali ao e kabo nakon te ataeinimwaane. E moangare ngke e oki rikaaki nakon ana kiraatiruum n tingaia. E na bae n akea raoraona ae moan te tamaroa, ma e namakina te kukurei ngke e a tia ni kanakoraoa a na ritieeti temanna.