Totokoan te Bwainikirinaki
Inanon reitaki aika tamaroa, aomata a kabwarabure ibukin aia taeka ao aia mwakuri aika aki raoiroi ao n onimakina korakoran ara Tia Kamaiu ni buokiia ni kanakoraoia ao n rairannano. Ma inanon te reitaki ae tamaroa, aomata a teimatoa ni bwainikiriniia tabeman, ao reitaki aikanne a kona ni karika te bwainikirinaki.
“[Te Bwainikirinaki ao tabeman] akea nnen mwakuri n iowawa aikanne n abanuean te Atua,” e reirei Beretitenti Russell M. Nelson (“Kakabwaia n te Tamnei,” maungatabu ni kabuta Okitobwa 2019). Tabeua kanoan ana Maekatiin te Ekaretia n te namwakaina aei e na buokiira ni kinai ao taetae iaon te bwainikirinaki:
-
N au beeba ni kaongora n te iteraniba 18, I taetae iaon taekan te bwainikirinaki ao ni karekei tabeua bwai n ibuobuoki ni buokiko ke aomata aika ko kinaia ao ni kamaiuaki n te reitaki ni bwainikirinaki.
-
N te iteraniba 58 te ataeinnaine e tibwaua ana taneiai ngke e bwainikirinaki ngke e uarereke ao e kanga ni kona ni karekea te ungannano ao te korakora n taekina a na kaangaanga ao n ukoukora te ibuobuoki mairouia ikawai aika onimakinaki ao te Tia Kamaiu.
-
Inanon te Rao n te namwakaina aei iaon te iteraniba F12, ko kona ni kunea te waaki ni koroboki ni buokia ni maroroakina “taekina I aki” ma natim. Iangoia ni kabongana te waaki ni kakukurei aei bwa aan te reirei n te mweenga n te tairiki iaon totokoan te bwainikirinaki.
-
Te bainikirinaki n te Namakin e kona ni karekea te ikoaki n aekan nako te bwainikirinaki. Wareka “Kinakin te Bwainikirinaki n te Namakin” ae reke inanon te rongorongo ae kanakoaki iaon bwaai aika maiu man te iti n reiakin nimaua kauring ni kinai kanikina ao arom ni karekea te ibuobuoki.
Ngkana ko a tia ni maraki, ko kona n bubutia te Atua ibukin te kaetieti ao te kamaiuaki ao n ukoukora te ibuobuoki mairouia aika a onimakinaki. Te Uea e ataa te bwai ae ti namakinna, ao E na kairiira nakon te kamaiuaki ao te kimwareirei ngkana ti rairaki nako Ina.
Au kantaninga bwa ti na bane n namakina ana tangira te Atua ao n taetae nako Ina ni katoabgong,
Jason Whiting, PhD
Brigham Young University School of Family Life