Te Kabanea n Taeka
Ara Kantaninga, Ootara, Korakorara
Iroun Unimwaane Ronald A. Rasband
Man te Kooram n Abotoro n te Tengaun ma Uoman
Man te Tairiki ma te kanakobwana ma Mataniwi ni Kabuta ibukiia taan reirei n aaro are karaoaki n Beberuare. 8, 2019.
Ngke I katabuaki bwa te Abotoro, Beretitenti Thomas S. Monson ae tangiraki (1927–2018) e taekinna bwa n na riki bwa te tia kakoaua ae onoti iaon te ara ae Iesu Kristo ni kabutaa te aonaaba. I aki iangoa te katabeaki anne bwa e aki kakawaki. I iangoi raoi booki aika tabu, ni kina te Uea man n Arana ao kanikinaeana. Bwaai ni kabane aikai n na tibwauai ma ngkami bon man kiibu man booki aika tabu ake a kauringira n ara kataninga are e mena Irouna.
Ngaia bon Aia Kaantaninga Iteraera (Ieremia 17:13), Te Itoi ni Ngaina ae Raneanea (Te Kaotioti 22:16), Te Tia Kawakin Tiibu ae Raoiroi (Reirei ao Berita aika Tabu 50:44), Kauntira (Itaia 9:6; 2 Nibwaai 19:6), Te Uea n Raoi ( Itaia 9:6; 2 Nibwaai 19:6), Te Tia Kamaiu (I-Rom 11:26), Otan te Aba (Ioane 8:12), ao Mataniwiia Ibonga I bukini bwaai aika raraoi (Ebera 9:11). E Mwaaka ni Kamaiu (Aramwa 34:18; Reirei ao Berita aika Tabu 133:47) ao Teuare iai irouna mwaaka ni kabane (Reirei ao Berita aika Tabu 61:1).
Ana taeka ni kabane Kristo bon taeka aika kaokoro ake a kaota nanona ae ti tebo ma kamataatakin te bwai teuana. E mena ikekei ngkana ti aki kukurei ao ni kekeiaki ni waaki nako. Ao ngkana ti kairua, Ana “oota are e oota n te roo” (Reirei ao Berita aika Tabu 6:21) e oota riki n akea kabotauana. E tangiriira n ara kabanea n raoiroi ao ni buakaka n tai.
Te riki bwa ana reirei Iesu Kristo e aki kantaningaira bwa ti na ketina te bwai ae E tangiria bwa ti na karaoia. Bwaai aika e tangiriira bwa ti na karaoi a rangin ni mataata bukina bwa E a tia ni karaoi bwaai aikanne bon Irouna ao ni katauraoa te katooto bwa ti na iria. Ngkana ti Iria, ti karikirakea te tangira ibukin temanna ke te bwaiteuana ae E tangiria. Ngkana ti kaboou ara berita aika tabu ma Ngaia ni katoa wiiki n taua te toa ae tabu, ti karikirakea otara Irouna ae te Tia Kabooa te aonaaba (Reirei ao Berita aika Tabu 93:9), Tamnein te Koaua (Reirei ao Berita aika Tabu 93:9), ao Taeka (Reirei ao Berita aika Tabu 93:8).
Raoraou aika tangiraki, anne te Tia Kamaiu ae I kinaa, ae I tangiria ao ni karinea ma nanou ni kabane. Mai kabin nanou I kaota au koaua Irouna ao Ana raoiroi ao a na nanoanga. E a tia ni berita, “Bwa ngkami raou, ao kam na karekea ami bwaibwai ma ngai” (Reirei ao Berita aika Tabu 93:45).
Iesu Kristo bon te kaeka n tainako nakon taian kaangaanga ao kakaewenako ake bon mwakoron te taneiai ae mamate. N atakin Ana mition ao Ana eungkero, ara tangira Ibukina ao ara onimaki inanon ao ara onimaki Irouna e anganiira te korakora.