Kabwianibwai n te Pesos
E maeka te tia korokaraki i Chihuahua, Mexico.
Sofia e moantaai n uti. Te bong aei e bon rang n onoti. E na kabonakoi remonaite n tain aia kabobwai ai tinana ao ai tamana n aia karaati! Mamá e karaoa te remonaite n te jug ae bubura ibukina.
Sofía e korea te kaetieti. E korea “Remonaite!” n reta aika a oranti ao a babobo. E kanimmwa iaon te taibora ae uarereke. Imwiina e tekateka n tataninga.
E waekoa n roko te mwaane. “E kona n reke au mwangko?” e bubuti. E katikui mwane inanon ana mwangko kiraati.
“Eng!” E taku Sofía. E kabwaroa ana mwangko n remonaite
Teutana imwiin teutana, aomata a roko n taratarai bwaai ake a kabonakoaki n te karaati. Ao teutana imwiin teutana a kabooa te remonaite ae kangkang. E kakukurei waakin te moaningabong. N te tai ae waekoa e a bane te remonaite.
Sofía e ioiowa ana mangko kiraati. E keke taian pesos. E karekea ae mwaiti!
“E tikiraoi ae ko karaoia!” E taku Papá.
Sofía e tuai man rereke ana mwane ae rawata mai imwaina. “N nang kabooa te yo-yo!”
E moangare Papá. “Ko ataia bwa tera ae ti karaoia ngai ao Mama ngkana a reke ara mwane?”
E ioioa atuna Sofía.
“Ti kabwaka ara kabwianibwai,” e taku Papá. “E anganiira bwaai ni kabane Tamara are i Karawa. E bubuti bwa tina anganna teutana ni kaokia. Ti kabwaka ara kabwianibwai ibukina bwa ti tangiria.”
E moangare Sofía. E tangiria ni kaotia nakon Tamana are i Karawa bwa e tangiria naba.
Papá e buoka Sofía ni warekii ana pesos. N te tai are e koro iai 10, e katuka teuana te peso inanon te tinaniku. Papá e buokia ni korei waare iaon ana beeba ae mainaina. A karina te beeba inanon te tinaniku raon te pesos. Imwiina a kainna. Sofía e na angan te bitiobi ningabong n tain te taromauri.
“Tera aron am namakin?” Papá e titirakina Sofia.
“I rang kukurei! Ao I teimatoa n iai au mwane ibukin te yo-yo.” E namakinna bwa Tamana are i Karawa e kukurei n ana rinerine.