Nakomai, Iriirai: Ana Boki Moomon
Ti na kanga n ataa mwakan Kristo ni kamaiu?
(Tebetembwa 28–Okitobwa 11)
N ana mwakuri n ibuobuoki Iesu Kristo nakoia Nibwaite, E kaota te tangira ae korakora ao Mwaakana ni kamaiu nakoia naake a Nakoina. Tera ae ti kona n reiakinna man aia taneiai Nibwaite ma te Tia Kamaiu?
Katakiia Nibwaite
Taai imwain rokon Iesu a kaonaki n taian kataaki. A kekeiaki Nibwaite:
-
Civil unrest (taraa 3 Nibwaai 7:1–4).
-
Te Buakaka ma Mwakuri Aika Bati n Ribaaki (taraa 3 Nibwaai 2:3, 7:7).
-
Bwainikirinaia kaain te kiraati (taraa 3 Nibwaai 6:10–14).
-
Bwainikirinan te Aro (taraa 3 Nibwaai 1:9).
-
Te Buaka (taraa 3 Nibwaai 2:17).
-
Te urubekebeke n te aba n tain te roo ae tenibong bongina (taraa 3 Nibwaai 8).
Ana Mwakuri Kristo nakoia Nibwaite
Ngke e kaoti te Tia Kamaiu nakoia Nibwaite, E kaoia ni kabane ake a “karawawataaki n aekaia nako” (3 Nibwaai 17:7) bwa ana waerake ao bwa ana kamaiuaki. E karababaaki Ana kakao iaon katakiia Nibwaite aika tibwa riki. E kaineti nakon maneka ake a kona n noraki ao ake aki kona n noraki are a na bae n tia ni uoti Nibwaite inanon maiuia ni kabane. Iesu Kristo e katoki “aorakiia ni kabane” (3 Nibwaai 17:9) ao e karaoa te mwakuri n ibuobuoki nakoia “temanna i mwiin temanna” (3 Nibwaai 17:21).