Nakomai, Iriirai: Ana Boki Moomon
N na kanga n tataro n aron are e reirei iai te Tia Kamaiu?
(Tebetembwa 28–Okitobwa 11)
Ngke e kawariia Nibwaite Kristo, E tataro ma ngaiia 11 te tai. Rinanon taeka ao banna ni katoto, E reireiniia aroia ae a riai n tataro iai. Burabeti, taan mamata, ao taan karekei kaotioti after the word ni Boong Aika Kaitira e reitinako n reirei te bwai are e reireia te Tia Kamaiu iaon te tataro. Aikai tabeua katooto:
|
Tera ae E reireia te Tia Kamaiu |
Tera ae a reireia burabeti, taan mamata, ao taan karekei kaotioti ni Boong aika Kaitira |
|
Tataro ibukiia tabeman (taraa 3 Nibwaai 17:14, 17, 21; taraa naba 3 Nibwaai 18:23) |
“Tataro ibukiia tabeman ma korakorami ni kabane n tamneira e karikirakea ara kona n ongo ao n ira bwanaan te Uea.”1 |
|
“Taratara man tataro n tainako” (3 Nibwaai 18:15) |
“Bon rinanon te tataro ae onon ao e nako mai inanom are ti kona iai ni karekei kakabwaia ao boutoka ake ti kainnanoi ni karekei kawaira inanon taai ni kangaanga ao ni kakaewenako are ti aranna n te maiu n rabwata.”2 |
|
“Tataro n ami utu” (3 Nibwaai 18:21; taraa naba 3 Nibwaai 17:3) |
“Ngkana ko kona … [iriii] tataro n utu ni katoabong, … kona karekei kakabwaia ake a taekinaki n te berita are te Uea e na karakai aia bwaibwai aika a raraoi.”3 |
|
Tai karakai ami taeka (tara 3 Nibwaai 19:24; tara naba 3 Nibwaai 13:7) |
“Ara tataro a riai ni bebete, kaineti, ao n karinerine.”4 |
|
“Waaki tataro” (3 Nibwaai 19:26) |
“Tataro n tainako. Tataro n am iango, inanom. Tataro ni katorobubua. Te tataro bon kingin kawaim nako karawa. Te roka e mena n ami itera n iteran te rabuna.”5 |