Saafiafiga i se Puleaoga o le Seminare

Ata

young woman shaking a man’s hand

Ata mai le Getty Images, faatinoina e tagata e faataitaia

O lo’u toalua, o Jerry, sa faaletonu lona soifua maloloina mo le tele o tausaga ina ua avea o ia ma puleaoga o le seminare mo uarota na faaaogaina la matou falelotu. Ou te manatu e leai se tasi na iloa le faigata ia te ia ona alapo i taeao uma—aemaise lava i masina pogisa ma le malulu o le taumalulu—ma le alu atu i lo matou fale. I se taimi mulimuli ane, na maliu ai o ia.

Ina ua mavae le tele o tausaga talu ona maliu Jerry, na faateia ai au i le mauaina o se tusi faamomoiloto mai se tamaitai talavou o le na siitia ese atu i ni tausaga ua mavae. Sa ia tuuina i totonu o lana faasilasilaga o le faaipoipoga. O le tusi na faitauina faapea:

“Na matuai ou faamemelo lava i lou toalua ma faanoanoa tele i lo’u faalogo ua maliu o ia. O ia o se puleaoga aupito sili o le seminare na matou mauaina. O taeao uma lava na te faatali ai i le va o faitotoa ma tatala a o ia faafeiloai tagata uma i se taeao manuia. A uma le vasega, na te toe tatalaina le faitotoa ma fai mai, ‘Ia manuia le aso i le aoga!’

“Sa tatau ia te au i taimi uma ona faafetai ma ta’u atu ia te ia i nisi taimi e uiga i lo matou loto faafetai ona o lona i ai. Sa ou lagona le saogalemu faatasi ma ia iina.

“Sa matua lotomaualalo lava o ia i taimi uma, ma sa faamamaluina e tagata uma lona agalelei. Ou te manatu sa lelei atu lo’u auai aua sa ou le manao ia Brother Bergevin e faatalitali i le malulu, ma le manatu ua ou alu atu pe ua ou tuai. O ia o se tamalii maoae ma o le a manatuaina pea lava o ia.”

Ou te mautinoa na leai se manatu o Jerry o le a mafaufau pea se tasi ia te ia i le tele o tausaga mulimuli ane. Ae sa faia lava e lenei tamaitai talavou magafagafa, ma sa agalelei tele o ia e auina mai ia te au lenei tusi matagofie, lea sa ou faafetai ai ina ua ou mauaina.

O le viiga “Ē Latou Te Fai Mea Lelei” (nu. 134) e amata i laina nei:

Sa ou filifilia lenei viiga mo le falelauasiga o Jerry ona ou te talitonu e masani ona tatou faamanuiaina olaga o isi e aunoa ma le iloaina. Ou te iloa na faamanuiaina e Jerry le tele o olaga i lona agalelei, auauna atu, ma le alofa.