Sau, Mulimuli Mai ia te A’u
O ai e mauaina faaaliga mo le Ekalesia?
Mataupu Faavae ma Feagaiga 27–28
15–21 Mati
Ia Aokuso 1830, o Ailama Page, o se tasi o Molimau e Toavalu o le Tusi a Mamona, na faapea mai, sa mauaina ni faaaliga se lua e uiga i le nofoaga i le lumanai ma faatulagaga o Siona e faaaogaina ai se maa talifaaaliga uliuli. O nei faaaliga na feteenai ma faaaliga na tuuina mai muamua ia Iosefa Samita, ae o le toatele o tagata o le Ekalesia na talitonu i ai.
Faaaliga mo le Ekalesia
Ina ua tatalo Iosefa e uiga i faaaliga a Ailama, na aoao mai le Alii, “E leai se tasi e tofia na te mauaina poloaiga ma faaaliga i le ekalesia lenei, vagana ai laʼu auauna [o le perofeta]” (Mataupu Faavae ma Feagaiga 28:2). Na ia tautino mai “o mea na ua tusia e [Ailama] mai lena maa ua le mai ia te au ma … Ua faasese o ia e Satani ”(Mataupu Faavae ma Feagaiga 28:11).
Sa mulimuli ane lafoai e Ailama ana faaaliga, ma na autasi tagata uma e faapea o le perofeta e na o le pau lea o le talifaaaliga mo le Ekalesia a Keriso.
Aisea e taua ai le iloa e na o le perofeta soifua e mafai ona maua faaaliga mo le Ekalesia atoa? E faapefea e lenei faiga ona puipuia i tatou mai le faaseseina?
Vaai atu i le Perofeta ma Aposetolo
Na lapatai mai Peresitene M. Russell Ballard o le Sui Peresitene o le Korama a Aposetolo e Toasefululua e faapea:
“Taulai atu pea lau vaai i le Au Peresitene Sili ma le Korama a Aposetolo e Toasefululua. Matou te le taitaiseseina lava outou. Matou te le mafaia. …
“… Afai e tau atu e se tasi ia te oe na latou maua se faaaliga lea e lei mauaina e le Au Peresitene Sili ma le Toasefululua, o ese mai ia i latou.”1