Blong Ol Papa mo Mama
Plan blong Fasin blong Sevem Man mo Gat Tras long Lod
Ol Dia Papa mo Mama,
Yu save yusum ol atikol ia mo ol pikja ia blong toktok raon wetem famli blong yu mo helpem olgeta blong andastanem ol impoten topik olsem plan blong fasin blong sevem man mo blong gat tras long Lod.
Plan blong Fasin blong Sevem Man
Yusum “Ol Besik blong Gospel” long pej 6 blong tijim ol pikinini blong yu abaot plan blong fasin blong sevem man. Toktok raon long olsem wanem, save long saed blong plan blong fasin blong sevem man i blesem yu mo famli blong yu. Tingbaot blong mekem ol pikinini blong yu oli droem wan pikja blong plan blong fasin blong sevem man mo mekem wanwan i eksplenem wan defren pat blong hem.
Gat Tras long Lod
Ridim eksperiens blong brata Milton Camargo long pej 21. Taem yu tokbaot wetem ol pikinini blong yu, tingbaot blong askem: ?Olsem wanem nao wan misinari i soem tras blong hem long God? ?Olsem wanem nao yu soem tras blong yu long Lod? ?Wanem sam wei we yu bin kasem blesing taem yu soem tras blong yu long God?
Stap Tokbaot Abius.
Yusum ol aedia long atikol long pej 14 blong lanem olsem wanem blong luksave abius, stopem blong i hapen, mo tijim ol pikinini olsem wanem blong protektem olgetawan.