Ua Faaaofia e Ofisa a le Malo Aoaoga Faaleagaga i Polokalama mo le Sailia o Galuega

O le faalapotopotoga taimua i Farani Polenisia e fesoasoani i tagata e leai ni galuega o le a faamanuiaina mai mataupu o Aoaoga mo le Ola-Tutoatasi ua tapenaina e Le Ekalesia a Iesu Keriso o le Au Paia o Aso e Gata Ai.

I se fonotaga i le amataga o le tausaga lenei, o Marshall Raihauti, o le pule o galuega faatino ma se faiaoga mo Te U-irau, na feiloai ma Manea Tuahu, o le faatonu aoao o le ola-tutoatasi mo Le Ekalesia a Iesu Keriso o le Au Paia o Aso e Gata Ai i Farani Polenisia, e talanoa i le latou faigapaaga.

“O tagata matou te galulue faatasi e masani lava ona le mautonu ma e matua leai lava ni fuafuaga mo le lumanai,” o le tala lea a Marshall.

I le faaalia ai o ana tusia’oga mo vasega a le Ekalesia o le Ola-Tutoatasi ma le fiafia tele, na ia faaauau ai, “Sa ou maua se avanoa e aoga ai i se vasega o le ola-tutoatasi na lagolagoina e le Ekalesia i Punaauia i le 2018 ma sa faagaaeetia lava i le muai fesoasoani ai o le polokalama i tagata e faailoa o latou tulaga e ala i se faagasologa faaleagaga.

“O lo’u faanaunauga o le fausia lea o lena liua ia i latou, e pei lava ona sa ou oo i ai. Ma e mafai ona e ausia i le Agaga; lea e i le totonugalemu i na polokalama faamalosiau.”

Na ia faaauau, “Ua ia i matou tagata popoto faapitoa, ua ia i matou vaega e faaaoga, o punaoa tau tupe ma aoaoga faamasani talafeagai. Ae o loo i ai se mea o loo misi ia i matou lea e na o tou polokalama e mafai ona mauaina mai ai. E mafai ona e tago i ai faaleagaga. Ua i ai i le Au Paia o Aso e Gata Ai maneta ia e le maua ia i matou. O le Agaga lea o le Alii. O le mea lea e faaosofia ai le suiga o le loto. Ma o le mea sili lena ona taua.”

O Averii Nollemberger, o le taitai faamaopopo mo nofoaga tutotonu o galuega ma aoaoga faamasani i Te U-irau i Pirae, Faaa ma Moorea, na saunoa mai: “Ou te fiafia i le i ai o le tagata i le ogatotonu o suiga ma faaosofia ai aoaoga faavae taitasi.”

Na tuuina atu e Manea punaoa a le Ekalesia ma mataupu e pei o le “Amataina ma le Faaolaina o La’u Pisinisi” ma le “Tupe Patino.”

Sa ia faamatalaina le uiga o le ola-tutoatasi: “I le Ekalesia, o le ola-tutoatasi e le na o le mauaina o se galuega lelei, meaai faaleoleo, poo tupe i le faletupe. O lona uiga o le gafatia e tausia ai manaoga faaleagaga ma faaletino o le olaga. O se tuufaatasiga, e le mavaevaeeseina atoa.

“Pe a tutoatasi tagata, e faateleina o latou gafatia e fesoasoani ai i isi, ma o le auauna atu i isi o loo i le ogatotonu o le ola-tutoatasi.”

Na faaiuina e Marshall i le faapea mai, “E tusa lava poo le a le tele o le lagolago ua faatulagaina e le malo, o le tele o tatou tagata o loo sailia ni galuega o loo faaauau pea ona ola faalagolago, e le mafai ona maua ni galuega tumau. O le mea o loo misi o le suia o le loto. Ou te iloa afai e te faamuamua le Atua, o le a amata ona matalatala mai faitotoa.”