Bag-o nga Sistema alang sa mga Rekomend sa Templo

Sugod sa Oktubre 25, 2021, ang mga lider sa pinili nga mga stake moisyu og mga rekomend sa templo—gawas sa mga rekomend alang sa mga ordinansa sa buhi—gamit ang Leader and Clerk Resources (LCR) sa pagprinta sa mga rekomend. Ang mga lider sa pagkapari mahimong mo-aplay og digital nga pirma niini nga mga rekomend, o sila mahimong mopirma sa rekomend sama sa gibuhat karon.

Ang paggamit sa digital nga mga pirma mao ang labing siguro alang sa pag-isyu og mga rekomend sa templo, ug diin posible, ang digital nga mga pirma kinahanglang gamiton. Ang mga lider sa Simbahan makapaabot nga inig Disyembre 13, 2021, ang tanan nga mga yunit sa Simbahan mogamit na sa LCR.

Agi og dugang, gibag-o na ang disenyo sa rekomend nga gamiton sa wala matugahi nga miyembro nga moapil sa proxy nga mga bunyag ug kompirmasyon. Ang ginganlan nga “rekomend nga adunay limitasyon ang paggamit” dili na gamiton.

Ang mga miyembro kinsa giisyuhan og daan nga rekomend mahimong mopadayon sa paggamit niana nga rekomend hangtod nga mawala na ang pagkabalido niini.