Mga Oportunidad sa Pangserbisyo nga Misyonaryo Misaka

Ang mga oportunidad sa pangserbisyo nga misyon anaa na karon alang sa senior nga mga miyembro sa Simbahan bisan asa sa kalibotan. Ang mga assignment sa pangserbisyo nga misyon sa senior sa una anaa lamang sa Estados Unidos, Canada, ug sa limitado nga gidaghanon sa ubang dapit. Ang pangserbisyo nga mga misyonaryo magpuyo sa ilang panimalay ug moserbisyo sulod sa 8 hangtod 40 ka oras sa usa ka semana sulod sa minimum nga unom ka bulan. Ang ilang lokal nga presidente sa stake padayon nga mao ang ilang eklesiastikanhon nga lider.

Ang mga senior giawhag gihapon sa pagserbisyo og full-time nga mga misyon nga layo sa panimalay kon ang ilang mga sirkumstansiya motugot.

Kadtong interesado sa pagserbisyo isip usa ka senior nga misyonaryo o usa ka pangserbisyo nga misyonaryo maka-aplay sa SeniorMissionary.ChurchofJesusChrist.org (dunay Iningles, French, Spanish, ug Portuguese).