Kalamboan sa Bag-o nga mga Templo Nagpadayon

Samtang ang lokal nga mga kahimtang sa pandemya miarang-arang, ang mga templo ug ang mga open house ug mga pagpahinungod sa makausa gisugdan na usab. Ang hugna nga pag-abli pag-usab sa mga templo nagpadayon, gipahiangay kon gikinahanglan sumala sa lokal nga mga kahimtang.

Ang mga open house pagasugdan na sa Winnipeg, Manitoba, Canada, nga ipahinungod sa Oktubre 31, 2021, ug alang sa templo sa Pocatello, Idaho, USA, nga ipahinungod sa Nobyembre 7, 2021.

Ang bag-ong Visitor Center sa Templo sa Mesa Arizona gipahinungod niadtong Agosto 2021, ug ang open house alang sa templo sugdan gikan sa Oktubre 16 hangtod sa Nobyembre 20, nga ang pagpahinungod pag-usab mahitabo karong Disyembre 12.

Ang giayo nga Templo sa Nauvoo nga makasaysayanong distrito sa Illinois, USA, gipahinungod, nga dunay dugang nga mga bahin nga idugang unya.

Usa ka open house ang nakaeskedyul alang sa templo sa Washington, D.C., USA, sa dili pa ang pagpahinungod pag-usab sa Hunyo 19, 2022.

Sa Mayo niining tuiga, usa ka templo ang gipahibalo alang sa Ephraim, Utah, USA, ug usa ka seremonya sa pagsugod sa pagtrabaho alang sa mga templo sa Salvador, Brazil; Nairobi, Kenya; Phnom Penh, Cambodia; Neiafu, Tonga; ug Tallahassee, Florida; Tooele, Utah; Syracuse, Utah; Helena, Montana; ug Pittsburgh, Pennsylvania, USA.

Human sa kinatibuk-ang komperensiya, ang usa ka seremonya sa pagsugod og pagtrabaho gipahigayon niadtong Oktubre 9, 2021, alang sa mga templo sa Casper, Wyoming, USA, ug sa Oktubre 30, 2021, alang sa templo sa Pago Pago, American Samoa.

Ang mga pag-ayo nagpadayon alang sa mga templo sa Hamilton, New Zealand; Hong Kong, China; Tokyo, Japan; Columbus, Ohio, USA; ug Manti, Siyudad sa Salt Lake, ug sa St. George, Utah, USA.

Ang pagtukod nagpadayon sa 40 ka dugang nga mga templo sa tibuok kalibotan.