Pag-abli Pag-usab sa mga Templo: Mainampingon, Mabinantayon

Ang mga templo giablihan pag-usab sa mabinantayon, mainampingon nga paagi sa lima ka hugna ug gibase sa lokal nga mga sirkumstansiya ug mga restriksiyon sa gobyerno kalabot sa COVID-19 nga pandemya. Ang mga hugna mopakunhod sa risgo, mopahiluna sa gikinahanglan ug kapasidad sa templo, ug mosunod sa mga rekstriksiyon sa panglawas diha sa distrito sa templo.

Pagka Septyembre 2021, ang Unang Kapangulohan miisyu og usa ka sulat nga nagsugo sa tanang patron ug mga worker sa templo nga magsul-ob kanunay og mga mask samtang anaa sa templo. “Kini nga mga protocol sa kasiguroan temporaryo, base sa mga kondisyon sa COVID-19, ug hunongon kon motugot na ang mga sirkumstansiya,” matod pa sa sulat. “Palihog buhata ang tanan ninyong mahimo sa pagpanalipod sa inyong kaugalingon ug sa uban aron ang buhat sa Ginoo sa duha ka habig sa tabil makapadayon.”

Ang Unang Kapangulohan miawhag usab sa mga miyembro sa Simbahan nga magpabakuna ug sa pagpanalipod sa ilang kaugalingon ug sa uban gikan sa pagkatap sa sakit.