’A hi’o i te Atua nō te fā ’e te arata’ira’a

Hōho’a

’utuāfare e pure ra

E te mau metua here ē,

’Aita tō tātou Metua i te ao ra i tono mai ia tātou i te fenua nei ma te arata’ira’a ’ore. Nā roto i te mau hōro’a hanahana o te pāpa’ira’a mo’a, te pure, te mau peropheta ora, te tahi ’e te tahi ’e hau atu, e nehenehe tātou e hi’o i te Atua nō te fā ’e te arata’ira’a. ’A tai’o ai ’outou i teie ve’a o te Liahona, ’a feruri i te mau rāve’a tāna i hōro’a mai ia tātou nō te tauturu ia tātou ’ia ’ite i te faufa’a mau o teie orara’a ’e ’ia ho’i fa’ahou iāna ra i roto i te orara’a i muri a’e.

Mau ’āparaura’a ’evanelia

Tō tātou ti’ara’a hō’ē roa i roto i te fa’anahora’a a te Atua

’Ei ’utuāfare, e nehenehe ’outou e tai’o te 1 Korinetia 11:11 ’e ’ia ’āparau i te aura’a o te reira. ’A fa’a’ite atu i te mau fa’ahitira’a parau nō roto mai i te parau ve’a a Elder Gerrit W. Gong (’api 4), ’o tē fa’ata’a nei i te ti’ara’a ta’ata ’āmui o te mau tāne ’e te mau vāhine i roto i te ’ōpuara’a nō te fa’aorara’a. Nāhea tō tātou mau ta’a-’ē-ra’a e nehenehe ai e tāhō’ē ia tātou ’eiaha rā e fa’ata’a ’ē ia tātou ?

Te mana fa’aora o te fa’aro’o

’A tai’o ’āmui te Mataio 15:21–28 ’o tē parauparau nei nō ni’a i te vāhine nō Kana’ana. I tō ’outou mana’o, nō te aha tōna fa’aro’o i arata’i ai i te fa’aorara’a o tāna tamāhine ? ’A tai’o i te mau tuha’a i roto i te parau ve’a a te peresideni Camille N. Johnson i te ’api 8, nō te hāro’aro’a maita’i a’e i te ti’ara’a o te marū ’e te fa’aro’o nō te fāri’i i te mana o te Fatu.

Te mau fa’aha’amana’ora’a tāmahana ia Iesu Mesia

’A ani i tō ’outou ’utuāfare, e mea nāhea ’outou i te ha’amana’o i te Fa’aora i roto i tō ’outou orara’a ? ’A tai’o i te mau tuha’a faufa’a mau o te parau ve’a i te ’api 38 nō ni’a i te faufa’a rahi nō te ha’amana’ora’a. ’A feruri i te pia i roto i tō ’outou fare, i te hō’ē hōho’a ’aore rā i te hō’ē fa’ahitira’a parau ’o tē fa’aha’amana’o ia ’outou i te Mesia.

Fa’a’āreareara’a ’utuāfare ’e te Mai, pe’e mai

Ha’amana’o i te mau ha’amaita’ira’a a te Mesia i te mau mahana ato’a

1 Korinetia 15

’Ua ha’api’i Paulo i te feiā mo’a nō Korinetia ē « i pohe te Mesia i tā tātou nei hara … ’e i tanuhia ho’i ’oia, e ti’afa’ahou mai ra i te ru’i toru » (1 Korinetia 15:3–4). ’Ua fa’aitoito ’oia ia rātou ’ia « tāpe’a māite ā » (1 Korinetia 15:2) i te ’evanelia tāna i poro ia rātou. E ani i tō ’outou ’utuāfare ’ia ha’uti i teie ha’uti ha’amana’ora’a :

’A hōro’a i te ta’ata tāta’itahi i te taime nō te pāpa’i i te hō’ē pāhonora’a poto i te uira’a i muri nei : E aha te hōē ha’amaita’ira’a o te ’evanelia ’o tā ’outou e fāna’o nei maoti te tāra’ehara a te Fa’aora ? (Nō te tahi atu mau mana’o, hi’o 1 Korinetia 15:19–29.)
’A fa’a’ite, te tahi i muri i te tahi, i te mea tā ’oe i pāpa’i ’e ’a fa’ahiti ma te tāmau ’ā’au i te mea tā te ta’ata nā mua atu ia ’oe, i pāpa’i.

’Āparaura’a : Nāhea tātou i te ha’amana’o maita’i a’e i te mau ha’amaita’ira’a ’o tā te Mesia i hōro’a nō tātou ? ’A feruri i te hāmani i te hō’ē fa’anahora’a nō te ’utuāfare, nō te ha’amana’o i te mau mahana ato’a i te huru tō te Mesia ha’amaita’ira’a i tō ’outou orara’a.

Hōho’a

feiā ’āpī tamāhine ma te rima i ni’a i te māfatu

Nō roto mai te ve’a Nō te Pūai o te Feiā ’Āpī

Fa’aineine nō te ’āmuira’a rahi

’A hi’o i te tahi mau ’ohipara’a ta’a ’ē ’e te mau parau ve’a ’o tē nehenehe e tauturu i te feiā ’āpī ’ia fa’aineine nō te ’āmuira’a rahi.

Ha’api’i mai i te tu’u atu, ’e ’ia fa’aro’o

Tē parau nei te tuahine Kristin M. Yee nō te ’ē’a mana’o-’ore-hia ’e te temeio tā tōna orara’a i te vai ’āpīra’a i rave, ’a fa’aoti ai ’oia e vaiiho i te Fatu ’ia fa’auru i tāna mau fa’aotira’a faufa’a rahi.

Fa’arurura’a i te mau fifi i te pae ferurira’a

Ha’api’i rahi mai nō ni’a i te fa’aterera’a i te mau fifi o te ea i te pae ferurira’a, ’o tā ’outou ’aore rā te hō’ē ta’ata tei herehia e fa’aruru nei.

Ha’api’ira’a nō roto mai i te tau taure’are’ara’a Iosepha Semita

’A hi’o e aha tā te feiā ’āpī i teie mahana e nehenehe e ha’api’i mai nā roto mai i te mau ’itera’a o Iosepha Semita e 200 matahiti i teienei.

Hōho’a

hōho’a nō te hō’ē upo’o

Nō roto mai te ve’a Hoa

Tauturu ’e te Mai, pe’e mai

’A ’ite mai i te mau ’ohipara’a tāhepetoma nō te fa’ariro i tā ’outou tuatāpapara’a i te pāpa’ira’a mo’a ’ei mea ’ana’anatae.

Mau vāhine nō te fa’aro’o

Tai’o i te parau poro’i a te peresideni Dallin H. Oaks nō ni’a i te mau hi’ora’a ha’apa’o maita’i o te mau vāhine o tōna orara’a.

Maita’i i te pae manava ’e te ferurira’a

Tē vai ra i roto i te ve’a Hoa nō teie ’āva’e te mau rāve’a nō te ha’api’i i tā ’outou mau tamari’i nō ni’a i te ea i te pae ferurira’a, tae noa atu i te mau ’ā’amu nō ni’a i te fa’aro’o-maita’i-ra’a ’e te hō’ē taea’e misiōnare tahito. E nehenehe ato’a ’outou e ’ite mai i te mau mana’o tauturu au maita’i e tano nō te mau tamari’i i roto i te tuha’a « Nō te mau tamari’i pa’ari a’e ».