« Nāhea vau i te fa’a’ōhie i tō’u orara’a nō te rōtahi i ni’a i te Mesia ? », Liahona, Tetepa 2023.
Mai, pe’e mai
Nāhea vau i te fa’a’ōhie i tō’u orara’a nō te rōtahi i ni’a i te Mesia ?
’Ua pa’ia roa a’e ra rātou pā’āto’a, nā Walter Rane ; hōho’a nō te fa’arahira’a i te hi’o nā Getty Images
Tē ha’api’i nei te ’āpōsetolo Paulo ia tātou ’ia « rōtahi noa e au i te Mesia » (2 Korinetia 11:3).
’Ua ’ite a’ena ānei ’outou ia ’outou iho i te fa’arirora’a i te ’evanelia a Iesu Mesia ’ei ’ohipa fifi atu ā ? I te tahi mau taime, nō te rahi o tō tātou rōtahira’a i ni’a i te mau huru i rāpae’au ’aore rā i ni’a i te mau tuha’a iti ha’iha’i, e ha’amata tātou i te ’ite i te teimaha.
Fa’a’ōhie i tā ’outou ravera’a
’Ua parau Elder Dieter F. Uchtdorf, nō te pupu nō te Tino ’Ahuru ma Piti ’āpōsetolo ē « mai te peu tē mana’o ra ’outou ē ’aita te ’evanelia e haere maita’i ra nō ’outou, tē ani manihini nei au ia ’outou ’ia ho’i i muri, hi’o i tō ’outou orara’a nā te hō’ē vāhi teitei a’e ’e ’a fa’a’ōhie i tā ’outou ravera’a o te ti’ara’a pipi. ’A fa’atumu i ni’a i te mau ha’api’ira’a tumu, te mau parau tumu ’e te fa’a’ohipara’a tumu o te ’evanelia. Tē parau fafau nei au ē, e arata’i ’e e ha’amaita’i mai te Atua ia ’outou i ni’a i tō ’outou ’ē’a ’ia tae i te orara’a hope roa, ’e e haere maita’i roa a’e te ’evanelia nō ’outou » (« Tē haere maita’i roa ra ! », Liahona, Novema. 2015, 22).
I ni’a i tei hea ha’api’ira’a tumu, parau tumu ’aore rā fa’a’ohipara’a tumu o te ’evanelia, tā ’outou e nehenehe e rōtahi i teie hepetoma ?