O Mea na Faamamafa mai i le Konafesi Aoao Faaleafatausaga Lona 193

Sa tumau pea le avanoa o le nofoa o Peresitene Russell M. Nelson i le taimi o le konafesi aoao, ae sa olioli tagata o le Ekalesia i le mauaina o fautuaga ma le molimau mai lo latou perofeta ua 99 tausaga le matua i le faaiuga o le sauniga mulimuli e ala i se savali na muai pu’eina.

Na saunoa Peresitene Nelson o le tiga e fesootai ma se manu’a talu ai nei o le tua na faateleina ai lona “talisapaia o Iesu Keriso ma le meaalofa lemafaamatalaina o Lana Togiola.” I le faamalosiauina o tagata o le ekalesia ia “mafaufau faaselesitila,” sa ia faasoa mai ai mea sa ia aoaoina e uiga i le “fuafuaga atoatoa” a le Tama Faaelagi”:

“O mea tonu lava o le a faia lou olaga faaletino ma mea silisili, e mafai ona avea ai e mafai ona avea ma mea tonu e tasi o le a faia lou olaga i le faavavau atoa i le mea sili e mafai ona i ai!”
“O au filifiliga i le asō o le a fuafua ai ni mea se tolu: o le mea e te nofo ai i le faavavau atoa, o le ituaiga tino lea o le a e toetu mai ai, ma i latou o le a outou ola ai e faavavau” (itulau 117).

Na tuuina mai le molimau a Peresitene Dallin H. Oaks e uiga i le faaeaga o loo faatalitali mai mo le Au Paia faamaoni (tagai i le itulau e 26). Sa molimau Peresitene Henry B. Eyring e uiga i le taitaiga mai le Agaga Paia na folafola atu i le Au Paia agavaa (tagai i le itulau 92; tagai foi Elder Stevenson, itulau 42). Ma sa tuuina e Peresitene M. Russell Ballard se molimau mamana e uiga i le “tiutetauave mamalu [o le Perofeta o Iosefa Samita] i le avea ai ma perofeta o … le tisipenisione o le atoaga o taimi” (itulau 74).

Na aoao mai e failauga o le konafesi e faapea o a tatou filifiliga sili ona taua i le olaga nei e totonugalemu i le Alii o Iesu Keriso ma le usiusitai i Ana poloaiga, e aofia ai le tulafono o le sefuluai (tagai Peresitene Nelson ma Elder Andersen, itulau 117 ma le 32). Sa latou aoao mai foi tatou te maua le fiafia, faamalologa, ma le faamoemoe e ala i le Faaola a o tatou fetaomi atu i luma i le ala o feagaiga (tagai Elder Bednar, Godoy, Choi, ma Cook, itulau 6, 16, 46, ma le 82; Brother Newman, itulau 36; ma Sisters Wright, Freeman, ma Runia, itulau 9, 76, ma le 62) ma “faailoa mai la tatou tautinoga o feagaiga o le faamanatuga ia Iesu Keriso ma le tasi ma le isi e ala i o tatou valaauga i le Ekalesia, faaaumea, fegalegaleaiga, ma auaunaga” (Elder Gong, itulau 111).

Sa uunaia e taitai o le Ekalesia ia tagata ina ia taliaina “le meaalofa o le salamo” (Elder Renlund, itulau 96; tagai foi Peresitene Eyring ma Elder Uchtdorf, itulau 92 ma le 86). Sa latou aoao mai o le Toefuataiga e liligi mai ai le malamalama i lo tatou “natura paia, talatuu, ma gafatia” (Elder Soares, itulau 70; tagai foi Elder Phillips, Giraud-Carrier, ma Sabin, itulau 49, 114, ma le 56). Ma sa latou faamanatu mai foi i le Au Paia o Aso e Gata Ai “o le faapotopotoina o Isaraelu tatou te manaomia ai faifeautalai—e tele atu nai lo i latou o auauna atu nei,” aemaise lava ulugalii matutua (Elder Rasband, itulau 52; tagai foi Elder Parrella, itulau 80).

I le faasilasilaga o fuafuaga e fausia ni malumalu fou se 20, na saunoa ai Peresitene Nelson, “O lau auaunaga ma le tapuaiga i le malumalu o le a fesoasoani ia te oe e mafaufau ai faaselesitila” (itulau 117; tagai foi Elder Christofferson ma Esplin, itulau 19 ma le 108).