Elder Alexander Dushku

Fitugafulu o le Pulega Aoao

Na auai matua o Elder Alexander Dushku i le Ekalesia i Boston, Massachusetts, ISA, ina ua uma ona asiasi atu i le Faaaliga a le Lalolagi i le Aai o Niu Ioka i le 1964. Sa uunaia faaleagaga lona tamā i mea sa ia aoaoina e uiga i le talalelei i se faapaologa e lagolagoina e le Ekalesia, ma sa ia valaaulia faifeautalai e aoao o ia ma lē e le o toe mamao ae avea ma ona faletua.

Sa fou ona matua i le Ekalesia ina ua fanau mai o ia, ae na fai mai Elder Dushku na te iloaina lava o le a ia auauna atu i se misiona.

“Ana ou le oo lava i la’u misiona lea na amata ai ona ou malamalama moni i le mamalu o le galuega faafaifeautalai ma le mamana tele e mafai ona i ai,” na saunoa ai Elder Dushku, o le sa auauna atu i le Misiona a Potukale Lisbon mai le 1986 i le 1988. “Sa matuai pupula atoa atu o’u mata i le malo o le Atua ma lona uiga.”

E talitonu Elder Dushku o le auai i le Ekalesia ua i ai se gafatia tele e faia ai se eseesega i le lalolagi.

“E ui atonu e toalaiti lo tatou fuainumera, ae e anoa ma mamana,” na ia saunoa ai. “Tatou te savavali ma Keriso ma uulima faatasi. Ona tatou savavali lea ma le tasi ma le isi. E avea i tatou lava ma lima ma siufofoga o le Alii i le siitiaina ma le faamalolosia o isi.”

Na soifua mai Alexander Dushku i le aso 17 Novema, 1966, ia Nicholas ma Donna Lee Dushku i Fairfield, Kalefonia, ISA. Sa faaipoipo atu Elder Dushku ia Jennifer Burnham i le 1988 i le Malumalu o Sate Leki. E toavalu o la’ua alo ma fanau a fanau e toaiva.

Sa maua e Elder Dushku se faailoga o le i le itu tautamaoaiga mai le Iunivesite o Polika Iaga i le 1990. Sa ia maua se faailoga faafomai o le tulafono mai le Aoga Faaloia a BYU J. Reuben Clark i le 1993. Sa faigaluega o ia mo se kamupani loia e fiafia i ai tagata lautele i le atunuu ma failautusi i le Faamasinoga o Talosaga mo le Faamutaina Lona Fitu a o lei oo i lana galuega aupito lata mai i le kamupani loia a Kirton McConkie i le Aai o Sate Leki, lea sa ia taulai atu ai i le Suiga Muamua o le Faavae o le IS ma le saolotoga faalelotu.

Sa auauna atu Elder Dushku o se peresitene o le siteki i le taimi o lona valaauga. Sa avea foi o ia o se epikopo, fautua maualuga, fesoasoani i le au epikopo, ma le peresitene o le korama a toeaina.