Մարգարեները սովորեցնում են մեզ ապրել վերականգնված ավետարանով

Ներկայացրեք վարդապետությունը (նայելով նկարներ և խաղ խաղալով). Ցուցադրեք ապրող մարգարեի նկարը: Խնդրեք մի քանի երեխաների հերթով առաջնորդել Երեխաների Խումբը պարզ գործողություներում, ինչպես օրինակ` ցատկոտել կամ ծափ տալ: Ցույց տվեք մարգարեի նկարը և բացատրեք, որ նա Եկեղեցու Նախագահն է և մենք պետք է հետևենք այն ամենին, ինչ նա խնդրում է մեզ անել: Հարցրեք. «Ու՞մ է հետևում մարգարեն»: Ցույց տվեք Հիսուս Քրիստոսի նկարը և բացատրեք, որ մարգարեն աշխատում է Նրա ղեկավարության ներքո:

Օգնեք հասկանալ (քննարկելով մարգարեի ուսմունքները). Երեխաներին ցույց տվեք ամենավերջին համաժողովի ելույթները պարունակող Ensign-ը կամ Լիահոնան: Բացատրեք, որ գերագույն համաժողովի ժամանակ մարգարեն սովորեցնում է մեզ, թե ինչ է ուզում Հիսուս Քրիստոսը, որ մենք անենք: Մարգարեի ելույթներից ընտրեք նախադասություններ և հրավիրեք երեխաներին բարձրաձայն կարդալ դրանք: Միասին կազմեք ցուցակ, որը կընդգրկի բաներ, որոնք կարող են երեխաներն անել մարգարեին հետևելու համար:

Օգնեք կիրառել (նկար նկարելով). Յուրաքանչյուր երեխայի տվեք մի թերթիկ: Հրավիրեք նրանց ծալել այն մեջտեղից: Խնդրեք նրանց թերթիկի մի մասի վրա նկարել մարգարեի և մյուս մասի վրա գրել կամ նկարել, թե ինչպես կարող են հետևել մարգարեին: Հրավիրեք երեխաներին կանգնել և բռնել իրենց նկարները, մինչ նրանք կերգեն «Հետևիր մարգարեին» երգի կրկներգը (CS, 110–11):

2-րդ շաբաթ երեխաներին սովորեցրեք ինչ-որ բանի մասին, որ մարգարեն ուսուցանել է վերջին գերագույն համաժողովի ժամանակ: Մինչ դուք պլանավորեք վարժությունները, որոնք դուք կօգտագործեք, մտածեք, թե ինչպես դուք կներկայացնեք մարգարեի ուսմունքը և կօգնեք երեխաներին հասկանալ այն և կիրառել իրենց կյանքում:

Ներկայացրեք վարդապետությունը (կարդալով սուրբ գրություն և լսելով պատմություն). Բացատրեք, որ Մաղաքիան Հին Կտակարանի մարգարեներից է, ով սովորեցրեց մարդկանց վճարել իրենց տասանորդը: Խնդրեք մի երեխայի կարդալ Մաղաքիա Գ.10, մինչ մնացած երեխաները ուշադիր կլսեն, թե ինչ է Տերը խոստանում մեզ, եթե մենք տասանորդ վճարենք: Բացատրեք, որ «բանալ ձեզ համար երկնքի պատուհանները» վերաբերվում են օրհնություններին, որոնք մենք ստանում ենք, երբ մենք տասանորդ ենք վճարում:

Օգնեք հասկանալ (առարկայական դասի դիտելով). Հրավիրեք 10 երեխաների առաջ գալ: Յուրաքանչյուրին տվեք խնձոր (կամ այլ միրգ) և խնդրեք նրանց բարձր պահել իրենց խնձորները և ձևանալ խնձորի ծառեր: Թող մեկ այլ երեխա «հավաքի» խնձորները և դնի դրանք զամբյուղի մեջ: Բացատրեք, որ տասանորդը մեր վաստակածի տասերորդ մասն է և սովորաբար վճարվում է դրամով, սակայն եղել են ժամանակներ, երբ մարդիկ վճարել են իրենց ունեցածով: Հարցրեք, թե քանի խնձոր պետք է երեխան տա եպիսկոպոսին տասանորդի համար:

Նկար

երեխաներ, որոնք ձևացնում են, թե խնձոր են հավաքում

Օգնեք կիրառել (քննարկելով տասանորդը). Ցույց տվեք տասանորդի թերթիկ և ծրար: Քննարկեք տասանորդ վճարելու գործընթացը: Հրավիրեք երեխաներին կիսվել, թե ինչպես են օրհնվել նրանց ընտանիքները տասանորդ վճարելու արդյունքում: Վկայեք օրհնությունների մասին, որոնք գալիս են տասանորդ վճարելու մարգարեի խորհրդին հնազանդվելուց:

Ներկայացնեք վարդապետությունը (կարդաով սուրբ գրություն). Խնդրեք երեխաներին պատմել մի այնպիսի դեպքի մասին, երբ ծնողները իրենց նախազգուշացրել են վտանգի մասին: Հարցրեք, նրանց, թե ինչու են իրենց ծնողները նախազգուշացնում նրանց: Բացատրեք, որ Երկնային Հայրը սիրում է մեզ և նախազգուշացնում է մեզ վտանգի մասին Իր մարգարեների միջոցով: Խնդրեք մի երեխայի կարդալ Վարդապետություն և Ուխտեր 89.4, և թող երեխաները լսեն, թե ինչպես է կոչվում այս նախազգուշացումը: Բացատրեք, որ Մարգարե Ջոզեֆ Սմիթը ստացավ այս նախազգուշացումը` Իմաստության Խոսքը, որպես հայտնություն Աստծո կողմից:

Օգնեք հասկանալ (կարդալով սուրբ գրություններ). Նախօրոք տարբեր աթոռների տակ ամրացրեք հետևյալ սուրբ գրությունների հղումները. ՎևՈՒ 89.7, ՎևՈՒ 89.8, ՎևՈՒ 89.9, ՎևՈՒ 89.10, ՎևՈՒ 89.12, ՎևՈՒ 89.16: Բացատրեք, որ Երկնային Հայրն է տվել մեզ մեր ֆիզիկական մարմինները և Նա ուզում է, որ մենք հոգ տանենք դրանց համար. Նա տվել է մեզ Իմաստության Խոսքը, որպեսզի օգնի մեզ իմանալ, թե ինչը կօգնի մեր մարմինններին և ինչը կվնասի դրանց: Խնդրեք երեխաներին նայել իրենց աթոռների տակ սուրբ գրությունների հղումները գտնելու համար: Հրավիրեք յուրաքանչյուր երեխայի, ով գտնում է հատվածը, բարձրաձայն կարդալ սուրբ գրությունը: Քննարկեք յուրաքանչյուր հատվածի նշանակությունը: Պարզաբանեք, որ «թունդ խմիչքները» ալկոհոլն է, իսկ «տաք ըմպելիքները» սուրճն ու թեյն են:

Օգնեք կիրառել (խաղ խաղալով). Պարկի մեջ դրեք տարբեր ուտելիքների, ըմպելիքների և այլ առարկաների նկարներ, որոնք լավ կամ վատ են մարմնի համար: Հրավիրեք երեխաներից մեկին պարկից ընտրել մի նկար և ցույց տալ այն մնացած երեխաներին: Խնդրեք երեխաներին բացել իրենց բերանները, եթե առարկան լավն է կամ ծածկել իրենց բերանները, եթե առարկան վատն է: Կարդացեք Վարդապետություն և Ուխտեր 89.18–21 և քննարկեք օրհնությունները, որոնք մենք ստանում ենք, երբ մենք հետևում ենք Իմաստության Խոսքով ապրելու մարգարեի խորհրդին:

Նկար

նկարներին նայող երեխաները

Այս ամսվա երգը կարող է լինել «Փառք քեզ Տեր մարգարեի համար» երգը (Hymns, no. 19): Հետևյալ մտքերը կարող են օգտագործվել ցանկացած երգ սովորեցնելիս: Չնայած այս օրինակում օգտագործվում են բառաշերտեր, որոշ երգերի ժամանակ կարող ենք օգտագործել նկարներ, երբ սովորեցնում ենք կրտսեր տարիքի երեխաներին:

Երգի յուրաքանչյուր արտահայտությունը գրեք տարբեր գույնի բառաշերտի վրա (կամ յուրաքանչյուր արտահայտությունը գրեք տարբեր գույներով): Յուրաքանչյուր արտահայտությունը բաժանեք երկու մասի: Երգը սովորեցնելու համար օգտագործեք հետևյալ եղանակներից մեկը.

1. Բառաշերտերը խառը դրեք սենյակով մեկ: Մինչ դուք և երեխաները կրկին ու կրկին երգում եք երգը, թույլ տվեք մի քանի երեխաների դասավորել արտահայտությունները ճիշտ հերթականությամբ: Երգեք և քննարկեք յուրաքանչյուր արտահայտությունը և հետո երգեք երգն ամբողջությամբ:

2. Սկսեք`ունենալով բոլոր բառաշերտերը իրենց տեղում գրատախտակի վրա: Երեխաների հետ միասին երգեք երգը: Խնդրեք մի երեխայի հեռացնել բառաշերտերից մեկը և կրկին երգեք երգը: Կրկնեք այնքան, մինչև բոլոր բառաշերտերը հեռացվեն:

3. Գրատախտակին դրեք յուրաքանչյուր արտահայտության առաջին մասը ճիշտ հերթականությամբ, իսկ երկրորդ մասերը դրեք գրատաախտակին խառը ձևով: Երգեք արտահայտության առաջին մասը և խնդրեք երեխաներին գտնել արտահայտության երկրորդ մասը և բացատրել, թե ինչ է նշանակում այդ արտահայտությունը:

4. Երեխաներին երկու խմբի բաժանեք: Թող խմբերից մեկը երգի յուրաքանչյուր արտահայտության առաջին մասը և մյուս խումբը երգի երկրորդ մասը: Փոխեք խմբերը և կրկնեք երգը:

Նկար

բառաշերտեր

Բառաշերտեր կարող եք գտնել sharingtime.lds.org կայքում