Ko Hono Akoʻi ʻo e Fānau ʻoku Faingataʻaʻia Fakaesinó
Naʻe akoʻi mai ʻe he Fakamoʻuí, “Pea ʻe akonekina hoʻo fānau kotoa pē ʻe he ʻEikí; pea ʻe lahi ʻa e melino ʻe maʻu ʻe hoʻo fānaú” (3 Nīfai 22:13).
ʻOku maʻu ʻe he kau taki kotoa pē ʻo e Palaimelí ha fatongia mahuʻinga ki hono akoʻi ʻo e ongoongolelei ʻo Sīsū Kalaisí ki he fānau kotoa pē, kau atu ki ai mo e kau faingataʻaʻia fakaesinó. Ko e Palaimelí ko ha feituʻu ia ʻoku totonu ke talitali lelei ai ʻa e fānaú kotoa, ʻofaʻi, fafanga pea kau ʻi he meʻa kotoa. ʻI he ʻātakai ko ʻení ʻoku faingofua ange ki he fānau kotoa ke mahino kiate kinautolu ʻa e ʻofa ʻa e Tamai Hēvaní mo Sīsū Kalaisí pea nau ongoʻi mo fakatokangaʻi ʻa e ivi tākiekina ʻo e Laumālie Māʻoniʻoní.
ʻOku mahuʻinga ki he ʻOtuá ʻa e fānau kotoa pē. ʻOku nau fie maʻu kotoa pē ʻa e ʻofá, fakaʻapaʻapá mo e poupoú.
Fealeaʻaki mo e niʻihi kehé ʻi hoʻo ngaué koeʻuhí ke fakakakato ʻa e ngaahi fie maʻu ʻa e fānau ʻi hoʻo houalotu Palaimelí ʻa ia ʻoku ʻi ai hanau faingataʻaʻia fakaesinó.
-
Fealeaʻaki mo e mātuʻa ʻa e fānaú. ʻOku faʻa ʻilo lahi ange pē ʻa e mātuʻá ki heʻenau fānaú ʻi ha toe taha kehe. ʻE lava ke nau akoʻi kiate koe ʻa e founga hono tali ʻene ngaahi fiemaʻú, taimi fuoloa ʻo e tokangá, pea mo e founga ʻoku nau manako ke ako aí. Hangē ko ʻení, ko e fānau ʻe niʻihi ʻoku nau tali lelei ange ʻe kinautolu ʻa e mūsiká, niʻihi ko e ngaahi talanoá, fakatātaá, folofolá pe ko e ngaungaué. Fakaʻaongaʻi ha ngaahi founga fakafaiako kehekehe, ʻo fakapapauʻi ʻokú ke fakakau kotoa ʻa e ngaahi founga ʻoku ako lelei taha ai ʻa e fānau takitaha.
ʻĪmisiNgaahi fakaʻilonga ʻoku fotu atu mei hotau fofongá cueKo e niʻihi ʻo e fānau ʻoku faingataʻaʻiá ʻoku nau tali lelei e ngaahi nāunau tokoni ki he sió. Fakaʻaongaʻi ʻa e ngaahi fakaʻilonga hangē ko ʻeni ʻoku hā atú ke fakaʻilonga ʻaki e taimi ke lotu aí, taimi fakalongolongó pe ko e taimi hivá.
ʻOku maʻu atu e ngaahi fakatātaá ʻi he sharingtime.lds.org
Lomiʻi heni ki ha ngaahi fakatātā.
-
Fealēleaʻaki mo e kau taki mo e kau faiako Palaimeli kehé. Lotua mo ngāue fakataha ke kumi ha ngaahi founga ke tokoniʻi ai e fānau kotoa pē ke ne ako e ongoongolelei ʻo Sīsū Kalaisí pea ongoʻi ʻoku ʻofaʻi ia.
-
Fealēleaʻaki ʻi he fakataha alēlea ʻa e uōtí. ʻE lava ke maʻu ʻe he kau taki lakanga fakataulaʻeikí mo e kau taki ʻo e ngaahi houalotú ha ngaahi fakakaukau fekauʻaki mo ha founga ke tokoniʻi ʻaki ʻa e fānau ʻoku ʻi ai ʻenau ngaahi fiemaʻu makehé. ʻI ha uooti ʻe taha, naʻe ʻoange ʻe he kau taulaʻeiki lahí ha “kui tangata ʻa e Palaimelí” ʻi he uike kotoa pē ke tangutu mo ha kiʻi tamasiʻi kei siʻi naʻe puke he mahaki-moá (autism). (Ko e fakakaukaú, ʻoku totonu ko e tokotaha tatau pē ʻi he uike takitaha.) Naʻe tokoni ʻeni ki he kiʻi tamasiʻí ke ne tokanga ki he lēsoní pea ʻongoʻi ʻoku ʻofaʻi ia.
Naʻe akonaki ʻa ʻEletā M. Lāsolo Pālati, “ʻOku hā mahino mai, ko kitautolu kuo tāpuakiʻi ʻaki ʻa e fānau mahuʻingá, kuo ʻomai kiate kitautolu ha ngāue toputapu mo ha fatongia tauhi fakaʻeiʻeiki, he ko kitautolu ʻa e faʻahinga kuo fakanofo ʻe he ʻOtuá ke tauhi ʻa e fānau ʻo e ʻaho ní ʻaki ʻa e ʻofa pea mo e tui mālohi pea mo ha mahino ko hai ʻa kinautolu” (“Great Shall Be the Peace of Thy Children,” Ensign, Apr. 1994, 60).