Ch’ol 17: Na’eelelik laj Alma ut lix tenamit

Jalam-uuch

eb’ li kristiaan naq yookeb’ chixk’anjelankil li ch’och’

Sa’ jun li kutan, naq lix tenamit laj Alma yookeb’ chaq chi k’anjelak sa’eb’ lix ch’och’, jun teep aj pleet reheb’ laj Lamanita ke’ok chiru xnub’aal lix ch’och’eb’.

Mosiah 23:25

Jalam-uuch

laj Alma na’aatinak rik’ineb’ li tenamit

Eb’ laj Nefita ke’xuwak ut ke’alinak sa’ li tenamit re te’xkol rib’. Laj Alma kixye reheb’ naq te’xjultika li Dios ut a’an tixkoleb’. Eb’ laj Nefita ke’ok chi tijok.

Mosiah 23:26–28

Jalam-uuch

laj Alma na’aatinak rik’ineb’ laj Lamanita

Li Qaawa’ kixq’unob’resi xch’ooleb’ laj Lamanita, ut maak’a’ ke’xb’aanu reheb’ laj Nefita. Eb’ laj Lamanita ke’sach xb’e naq yookeb’ chixsik’b’aleb’ lix tenamit li rey aj Limhi.

Mosiah 23:29–30

Jalam-uuch

laj Alma naxk’ut chiruheb’ laj Lamanita b’ar te’xik re xtawb’al xch’och’eb’

Eb’ laj Lamanita ke’xyeechi’i re laj Alma naq ink’a’ te’xch’i’ch’i’i lix tenamit wi te’xk’ut chiruheb’ chan ru te’sutq’iiq sa’ lix ch’och’. Laj Alma kixk’ut chiruheb’ li b’e.

Mosiah 23:36

Jalam-uuch

eb’ laj Lamanita neke’xk’aak’aleheb’ lix tenamit laj Alma

A’b’an eb’ laj Lamanita ink’a’ ke’xb’aanu li ke’xyeechi’i chaq. Ke’xxaqab’eb’ b’an laj k’aak’alenel chixsutam li ch’och’, ut laj Alma ut lix tenamit ink’a’ chik wankeb’ chi ach’ab’anb’il.

Mosiah 23:37

Jalam-uuch

laj Amulon na’aatinak rik’ineb’ aj k’aak’alenel aj Lamanita

Li rey aj Lamanita kixxaqab’ laj Amulon choq’ taqlanel sa’ xb’een lix tenamit laj Alma. Laj Amulon junxil a’an jun aj Nefita ut maa’us aj tij re li rey aj Noe.

Mosiah 23:39; 24:8–9

Jalam-uuch

laj Amulon naxk’aak’aleheb’ li kristiaan naq yookeb’ chi k’anjelak

Laj Amulon kixk’eheb’ chi k’anjelak jwal kaw lix tenamit laj Alma. Ke’tijok re xpatz’b’al xtenq’ankil, a’b’an laj Amulon kixye naq taakamsiiq li ani taatawe’q chi tijok. Eb’ li tenamit toj yookeb’ chi tijok sa’ xch’ool.

Mosiah 24:10–12

Jalam-uuch

jun li ch’ina al naxk’am chaq jun li chakach

Li Dios kirab’iheb’ lix tij ut kixk’eheb’ xmetz’ew re naq lix k’anjel ke’seeb’ob’resiik. Saheb’ sa’ xch’ool ut aj kuyuneleb’.

Mosiah 24:14–15

Jalam-uuch

li Dios na’aatinak rik’in laj Alma

Li Dios sa kiril naq li tenamit tiikeb’ chi paab’ank. A’an kixye re laj Alma naq tixtenq’aheb’ chi eelelik chiruheb’ laj Lamanita.

Mosiah 24:16–17

Jalam-uuch

lix tenamit laj Alma naq yookeb’ chi eelelik

Chiru li q’ojyin li tenamit ke’xch’utub’ lix tzakemq ut lix ketomq. Sa’ li eq’la jun chik, li Dios kixwartesiheb’ laj Lamanita naq laj Alma ut lix tenamit ke’el chaq sa’ li tenamit.

Mosiah 24:18–20

Jalam-uuch

li rey aj Mosiah naxk’ul laj Alma chi sa xch’ool

Chirix naq ke’b’eek chiru kab’laju kutan, ke’wulak Tzarahemla b’ar wi’ li rey aj Mosiah ut eb’ lix tenamit ke’xk’uleb’.

Mosiah 24:25