Xtikib’ankil

Eb’ li esilal a’in re lix Hu laj Mormon tz’iib’anb’ileb’ tz’aqal choq’ aawe. Isinb’ileb’ li esilal sa’ jun hu li wan xloq’alil xb’aan naq nachal chaq rik’in li qaChoxahil Yuwa’. Naq yooqat chirilb’aleb’ li esilal a’in, chijultiko’q aawe naq neke’aatinak chirixeb’ li ani ke’wan chaq chi yaal arin America sa’ najter kutan.

Naq ak xawil li esilal li wankeb’ sa’ li hu a’in, taawaj ajwi’ rilb’aleb’ sa’ lix Hu laj Mormon. Rub’el li junjunq chi jalam-uuch taawil b’ar tatruuq xtawb’al li esilal a’an sa’ lix Hu laj Mormon. Patz’ re laa yuwa’, laa na’, jun aj k’utunel, malaj re jun aawamiiw re naq tatxtenq’a.

Wi wan junaq aatin ink’a’ nakanaw k’a’ru naraj naxye, sik’ sa’ li tasal “Aatin aajel ru xnawb’al” sa’ xraqik li hu a’in. Natawman ajwi’ na’leb’ chirixeb’ li kristiaan ut li na’ajej li yeeb’ileb’ resil sa’ lix Hu laj Mormon sa’ xraqik li hu a’in.

Li hu a’in tatxtenq’a chixk’utb’aleb’ li loq’laj hu. Wotz lix nawom aach’ool chirix lix Hu laj Mormon, ut waklesiheb’ xch’ool li aniheb’ taatzol re naq te’xsik’ xnawomeb’ xch’ool xjuneseb’ rib’. Lix nawomeb’ taanimanq naq taayaab’asi choq’ reheb’ lix tz’aqalileb’ li esilal li neke’wulak chiruheb’ sa’ lix Hu laj Mormon.