Toko 18
Ny lalàn’ny Fiangonana
9 febroary 1831
Nilaza ny Tompo fa tokony hampianatra ny filazantsara ny olona rehetra ny Olomasina. Ireo lehilahy mandeha manao asa fitoriana dia tokony hotendrena ho ao amin’ny fisoronana amin’ny alalan’ireo mpitarika ao amin’ny Fiangonana.
Fotopampianarana sy Fanekempihavanana 42, sasin-tenin’ny fizarana.
Tokony hiara-hiasa ny misiônera roa. Tokony hampianatra avy ao amin’ny Baiboly sy ny Bokin’i Môrmôna izy ireo. Tokony hivavaka izy ireo mba hanana ny Fanahy Masina miaraka amin’izy ireo. Hilaza amin’izy ireo izay zavatra hampianarina ny Fanahy Masina.
Tokony ireo olona mino ny filazantsara no ataon’ny misiônera batisa.
Tokony hankatò ny Didy Folo ny mpikamban’ny Fiangonana hoy ny Tompo. Tsy tokony hamono olona izy ireo. Tsy tokony handainga izy ireo. Tsy tokony hilaza zavatra ratsy momba ny olona hafa izy ireo. Tsy tokony hanao zavatra ratsy hafa izy ireo.
Tokony hizara izay ananany amin’ny olona hafa ny Olomasina. Mitovy amin’ny hoe mizara amin’i Jesoa ny mizara amin’ny hafa.
Nanome didy hafa ho an’ny Olomasina i Jesoa. Tsy tokony hisy Olomasina hihevitra ny tenany ho tsara kokoa noho ny olona hafa. Tokony ho madio ny Olomasina. Tokony hiasa mafy izy ireo.
Tokony hikarakara ny mpikambana marary ny Olomasina. Tokony hanome tsodrano ny marary ireo lehilahy mihazona ny fisoronana. Afaka ny ho sitrana ireo izay manana finoana. Tsy ho faty izy ireo raha mbola tsy tonga ny fotoana hahafatesan’izy ireo.
Tsy tokony hatahotra ny ho faty ny Olomasina marina. Mahafinaritra ny fahafatesana ho an’ny olo-marina.
Nilaza i Jesoa fa hanambara zavatra maro amin’ireo mpikambana olo-marina Izy. Hitondra fifalina ireo fanambarana ireo. Nasain’ny tompo nankatò ny lalàn’ny Fiangonana ny Olomasina.