Seksyon 79
Rebelasyon nga ginhatag paagi kay Joseph Smith nga Propeta sa Hiram, Ohio sang ika-12 sang Marso 1832.
1–4, Si Jared Carter gintawag nga magwali sang ebanghelyo paagi sa Manugpasulhay.
1 Sa pagkamatuod ginasiling ko sa imo nga pagbuot ko nga ang akon alagad nga si Jared Carter dapat maglakat liwat sa mga rehiyon sa este, sa tagsa ka lugar, sa tagsa ka siyudad, sa gahum sang pag-ordin kon diin sia gin-ordinan nga nagabantala sang maayong balita sang dako nga kalipay, ang wala’y katubtuban nga ebanghelyo.
2 Kag akon igapadala sa iya ang Manugpasulhay nga magatudlo sa iya sang kamatuoran kag sang alagyan kon diin sia dapat magkadto;
3 Kag kon tampad sia, pagakoronahan ko sia liwat sang binugkos.
4 Gani, dapat magkasadya ang imo tagipusuon, Jared Carter, alagad ko, kag indi magkahadlok, siling sang imo Ginuo nga si Jesucristo. Amen.