Seksyon 92
Rebelasyon nga ginhatag kay Joseph Smith nga Propeta sa Kirtland, Ohio sang ika-15 sang Marso 1833. Ang rebelasyon nagatudlo kay Frederick G. Williams, nga bag-o lang ginpili nga manuglaygay ni Joseph Smith, parte sa iya mga tulumanon sa United Firm (tan-awa sa mga introduksyon sang mga seksyon 78 kag 82).
1–2, Ang Ginuo nagahatag sang kasugoan parte sa pagbaton bilang miyembro sa united order.
1 Sa pagkamatuod, ini ang siling sang Ginuo, ginahatag ko sa united order, nga ginpahamtang suno sa kasugoan nga ginhatag sang nagligad, ang isa ka rebelasyon kag kasugoan parte sa akon alagad nga si Frederick G. Williams nga pagabatonon ninyo sia sa united order. Kon ano ang ginahambal ko sa isa ginahambal ko sa tanan.
2 Kag sa liwat, ginasiling ko sa imo Frederick G. Williams, alagad ko, mangin isa ikaw ka aktibo nga miyembro sa sining united order; kag kon matutum ka sa pagtuman sang tanan nga una nga mga kasugoan pakamaayohon ka tubtob sa wala’y katapusan. Amen.