Juon Kappukōt Etiljek Ej Bōk Jinōkjeej
Ij karuwaineneik aolep n̄an wōnm̧aanļo̧k ilo ad kōļapļo̧k ad ilo Kraist, eo ej wōnm̧aanļo̧k wōt in ukōt mour ko an elōn̄ ro rej pukōt E.
Ilo kar jinoun 1846 eo, taujin em̧m̧aan ro, kōrā ro, im ajri ro raar jibarōkļo̧k iturilik n̄an Zaion. Aer tōmak eļap ekar peran eo aer ejjeļo̧k jon̄an. N̄an jet, tūrep eo kar jab dedeļo̧k āinwōt ke raar mej ilo iaļ eo aer ļo̧k. Ro jet, kar ioon eļap jerata, en̄in ebun̄ m̧aanļok ilo tōmak.
Kōnke kōn er, epepen ko tokalik, baam̧le eo aō raar lem̧ōņōņō kōn kōjeraam̧m̧an ko kōn gospel eo an Jisōs Kraist em̧ool.
Ainļo̧k wōt likao eo̧, eo me inaaj kwaļo̧k tokālik, ekar 14 iiō detta ekar jino an lōn̄ aō kajjitōk kōn kabun̄ eo im tōmak eo aō. Ikar kobaļo̧k ilo juon m̧ōn jar epaketok m̧weo im̧ō, bōtaab ikar en̄jake ikdeelel n̄an etale n̄an elōn̄ kabun̄ ko jet roktak.
Juon ālkin raelep, ikar kile ruo likao ro ilo kopā ko rekilmej im jōōt mouij ko raar delo̧n̄e m̧weo im̧ōn eo rūturu. Likao rein raar āinwōt—āinjuon.
Raan eo juon ikar iion eo rūturu, Leonor Lopez, im ikar kajjitōkin e kōn em̧m̧aan rein ruo. Leonor ekar kōmeļeļeik bwe rej jet mijenede ro an Kabun̄ eo an Jisōs Kraist im Armej ro Rekwojarjar ilo Raan-ko Āliktata. Liin ekar m̧ōņōņō in jiron̄tok eō bwe baam̧le eo an raar peptaij tok n̄an Kabun̄ in juon iiō im̧aanļo̧k. Ilo an kar lo ikdeedel ilo n̄a, Leonor ekar kūr ļok iō n̄an ippān mijenede ro im katak kōn Kabun̄ in.
Ruo raan tokālik, Ikar koba ļo̧k ippān baam̧le eo an Lopez n̄an iion mijenede ro. Elder rein kar kwaļo̧k kajjer āinwōt Elder John Messerly jān Ogden, Utah, im Elder Chirstober Osorio jān Walnut Creek, California. Ijjāmin naaj meļo̧kļo̧k er.
Kōnke ekar 14 wōt iiō detta, Elder Messerly ekar akweļap bwe kōmin iļo̧k n̄an kōjām eo juon n̄an m̧weo im̧ō bwe jinō en maron̄ jeļā ta eo raar tōn katakin eō. Ijōņ, ekar jouj ilo an kar kōmeļeļeik bwe raar itok n̄an kwaļo̧k juon ennaan kōn Jisōs Kraist im kajjitōk mālim eo an n̄an katak ippā. Jinō ekar errā im jon̄an ekar koba tok ippām ilo aer kar katak ippa .
Mijenede ro raar m̧okta kajjitōk ippān Leonor n̄an jar. Menin ekar kanooj m̧wilaļ an un̄ur eō kōnke jar eo an liin ekar jab juon eo kar kakilōklōke im āliji naan ko ie ak juon kwaļo̧k jān bōro. Ikar en̄jake ke liin ekar lukkuun kōnono n̄an Jemen Ilan̄.
Innām mijenede ro rekar katakin kōm kōn Jisōs Kraist. Raar kwaļo̧k juon pija me ekar kabwilōn̄ n̄a kōnke ekar juon pija kōn jerkakjepe eo an, Kraist eo emour.
Raar wōnm̧aanļo̧k wōt, im katakin kōm ekōjkan an Jisōs Kraist kar ejake Kabun̄ eo An ilo tōre ko etto, Ippām ilo jeban eo kar kobaļo̧k Rijilōk ro jon̄oulruo. Raar katakin kōn Bun̄ Jān Tōmak eo—ekōn̄kan an m̧ool eo im mālim eo an Kraist kar bōk jān laļ in ālkin an mej Rijilōk ro.
Rekar jiron̄ kōm kōn juon ļaddik 14 iiō-dettan kar etan Josep Smith eo, ilo jinoin 1800 ko, kar etal n̄an kabun̄ ko roktak jān doon n̄an pukōt m̧ool eo. Ke iien ekar etal wōt, Josep ekar erom em̧ool ļapļo̧k an pok. Ālikin riit ilo Baibōļ eo bwe jemaron̄ “kajjitok ippān Anij”1 kōn mālōtlōt, Josep, jerbal ilo tōmak, kar etale n̄an juon bukin wōjke ko n̄an jar im kajjitōk ewi wōt kabun̄ eo ej aikuj kobalo̧k ie.
Juon iaan mijenede ro ekar riiti bwebwenato eo an Josep kōn ta eo ekar waļo̧k ilo an kar jar:
“Iaar lo juon jurōn meram lukkuun ioon wōt bōra, ilōn̄inļo̧k meram eo an al, eo ar wanlaļtak jidik ilo̧k jidik m̧ae an kar wōtlo̧k ioō.
“… Ke meram eo ar pād ioō iaar lo ruo Armej, ro meram im aiboojoj eo aer eaar eļļāļo̧k jān aolep wāween kōmmeļeļe, rej jutak ilōn̄ū ilo mejatoto. Juon iair ear konono n̄ōn iō, ear kir io kin et eo eta, jitonlok eo juon im ba—En̄in Nejū Jiten bōro. Kwōn Ron̄jake E!”2
Ilo iien katak eo, Jetōb eo ekar kapene n̄an eō jejjo m̧ool ko.
Juon, Anij ej ron̄jake aolep jar ko rem̧ool an ajri ro Nejin, im pan̄ ej peļļo̧k n̄an aolep—ejjab wōt n̄an jejjo.
Karuo, Anij ej Jemed, Jisōs Kraist, im Jetōb Kwojarjar eo rej jilo armej ro rejenolo̧k, juon wōt ilo jibadbad eo Aer, n̄an kakūrm̧ool jab wabanban im mour indeeo an armej.”3
Kajilu, jaar kōm̧anm̧an ilo nememein Anij. Jemedwōj Ilan̄ im Nejin, Jisōs Kraist, ewōr ānbwin ko an kanniōk im di ko āinwōt kōj, bōtaab Er raiboojoj im weppāān, im Jetōb Kwojarjar ej juon armej in jetōb.4
Emān, kōn Josep Smith, Jisōs Kraist ekar Kōjepļaaktok gospel eo An im Kabun̄ eo em̧ool n̄an laļ. Mālim an priesthood eo kar leļo̧k ioon Rijilōk ro an Kraist 2,000 iiō ko rem̧ootļo̧k ejja priesthood eo wōt kar leļo̧kioon Josep Smith im Oliver Cowdery jān Piter, Jemes, im Jon.5
Āliktata, kōm kar ekkatak kōn bar juon kallim̧ur kōn Jisōs Kraist; Bok in Mormon. Jar jeje jān rikanaan ro etto, ej kōnono kōn armej ro rekar jokwe ilo Amedka jinoin, ilo iien eo, im ālikin ļotak eo an Jisōs. Jān e kōmkar ekkatak kōn ekōjkan aer kar jeļā, iakwe, im kabun̄ jar n̄an Kraist, eo ekar waļo̧kļo̧k n̄an er āinwōt jerkakpeje Rilo̧mo̧o̧r.
Jetōb eo ekar ļap kōm̧akūt eō ke ikar ekkatak kōn kean̄ eo an Rilo̧mo̧o̧r eo n̄an er: “Lo, N̄aij Jisōs Kraist, eo rikanaan ro raar kam̧ool ke Enaaj itok n̄an laļ.”6
Mijenede ro raar letok am make Bok in Mormon. Kōm kar riiti im bōk kūr eo loe ilo jem̧ļo̧k in Bok in Mormon, eo ej riit:
“Im n̄e kom̧ naaj būki men kein, ikōņaan kōketak kom̧ bwe kom̧in kajjitōk ippān Anij, Jemān Indeeo, ilo etan Jisōs Kraist, eļan̄n̄e men kein rej jab m̧ool; eļan̄n̄e kom̧ naaj kajjitōk kōn juon bōro em̧ool, kōn lukkuun kōttōpar, im ewōr tōmak ilo Kraist, Enaaj kwaļo̧k m̧ool in n̄an kom̧, jān kajoor eo an Jetōb Kwojarjar.
“Im jān kajoor eo an Jetōb Kwōjarjar kom̧ maron̄ jeļā m̧ool eo an men ko otemjeļo̧k.”7
Enan̄in 45 iiō ko jān iien eo m̧am̧a im n̄a kar ekkatak lan̄lōn̄ eo im kajoor eo kōn wōr tōmak ilo Kraist. Ekar kōnke kōn tōmak eo aer ilo Kraist me baam̧le Lopez eo ekar kwaļo̧k kabun̄ eo an aer ekāāl ippa. Ekar kōnke kōn tōmak eo aer ilo Kraist bwe mijenede rein ruo raar ilo̧k jān kapijuknen ko aer ilo United States n̄an lo m̧am̧a im n̄a. Ekar kōn tōmak eo an aolep ro m̧ōtta rejitōnbōro me raar katōk juon ine mustard in tōmak ilo kōm me ekar jān iien eo eddōkļo̧k n̄an juon wōjke kajoor an kōjeraam̧m̧an ko an indeeo.
Ilowaan iiō kein rekar jeraam̧m̧an, jekar baj jelā wōt, āinwōt an Būreejitōn Russell M Nelon ba: Men otemjej rem̧m̧an ilo mour—eaolep kōjeraam̧man ko an mour indeeo—rej ijjino kōn tōmak. Kōtļo̧k bwe Anij en anjo̧ ilo mour ko ad ej ijjino kōn tōmak bwe E ej m̧ōņōņō in tōl kōj. Ukweļo̧k eo em̧ool ej ijjino kōn tōmak bwe Jisōs Kraist ewōr an kajoor n̄an kareeo, kōmour, im kōkajoorļo̧k kōj.”8
Ij kajjiōk ippādwōj aolep n̄an wōnm̧aanļo̧k wōt ilo kōļapļo̧k tōmak eo ad ilo Kraist, eo ekar ukōt mour ko am̧ro m̧am̧a im ej wōnm̧aanļo̧k wōt in ukōt mour ko an elōn̄ ro rej pukōt E. Ijeļā bwe Josep Smith ej Rikanaan eo an Jepļaaktok eo, bwe Būreejtōn Nelson ej rikanaan eo ad rainin, Jisōs ej Kraist eo emour im ad Ripinmuur, im bwe Jemedwōj Ilan̄ ej mour im ej uwaake aolep jar ko an ajri ro Nejin. Ij kam̧ool kōn m̧ool kein ilo etan ekwojarjar Jisōs Kraist, amen.