Nya Mber ma Ewuradze

Mo nuanom na nkyerɛbaa adɔfo, nda ebien mu na Ewuradze n’asomfo a wɔahwehwɛ enyiber do dɛ wobohu dza Ɔpɛ dɛ wɔkã no, akyerɛkyerɛ hɛn yie.

Wɔama hɛn ahyɛdze ma abosoom esia a odzi do yi. Afei asɛmbisa no nye, yebesi dɛn bɛyɛ soronko osian dza yɛatse na hɛn atsenkã ho?

Wiadze nsan yarba no akyɛrɛ mbrɛ abrabɔ botum asesã ntsɛm, a ɔtɔfabi a fi gyinabew horow a yennyi do tum. Naaso, ndzɛmba pii wɔ hɔ a yebotum enya do tum. Hɛn na yɛhyehyɛ dza ohia hɛnankasa na yesusu mbrɛ yebesi bɔhwer hɛn ahom, mber na ahonyadze. Hɛn na yesi egyinae wɔ mbrɛ yebesi nye hɛnho nkorkor enya nkitahodzi. Yɛsan mu yi nyia yɛbɛdan no akɔhwehwɛ nokwar na kwankyerɛ.

Wiadze mu ndze horow na nhyɛdo dɔɔ sõ na wɔtwetwe hɛn. Mbom ndze no mu dodow yɛ ndaadaa, yɛ akɔndɔ, na wobotum atwe hɛn efi ahyɛmu anamɔn kwan no do. Ama ekwetsir akomayaw a odzi do no, meserɛ hom ndɛ dɛ hom nya mber mma Ewuradze wɔ hom abrabɔ mu—dababiara ama wɔdze aakõ eetsia wiadze ndɛfɛdɛfɛ no.

Sɛ wo nsɛm mu kɛse no inya fi social anaa media binom so a, tum a edze bɛtse Sunsum no wɔsa no do bɛtsew. Sɛ irunndua daa daa mpaabɔ na asɛmpa adzesũa mu nhwehwɛ Ewuradze a, egyaa woho mu ma nyimpa adwenkyerɛ a ɔyɛ nwanwa naaso ɔnnyɛ nokwar. Ahotseweefo mpo a nkyɛ wɔyɛ anokwafo no botum efi kwan no do ɔnam Babylon ndwom a daa wotsie no.

Mo nuanom na nkyerɛbaa, mesɛrɛ hom dɛ hom nya mber mma Ewuradze! Ma ɔankasa wo sunsum mu fapem no ntsim na ontum ngyina mber pii ber a ereyɛ ndzɛmba horow a ɔma Sunsum Krɔnkrɔn no kwan ma ɔnye wo tsena aber nyina.

Mma nntoto nokwar trɔdɔdɔ no adze dɛ “Sunsum no ɔkã … ndzɛmba ho nsɛm dɛ mbrɛ wɔtse pɛpɛɛpɛr na ndzɛmba dɛ mbrɛ wɔbɛyɛ pɛpɛɛpɛr.” ¹ “Ɔbɛkyerɛ hom ndzɛmba nyinara a ɔsɛ dɛ hom yɛ.” ²

Biribiara mmfrɛ Sunsum no nkyɛn dɛ edze w’adwen betsim Jesus Christ do. Kã Christ ho nsɛm, dzi dɛw wɔ Christ mu, mmee wɔ Christ ne nsɛm mu, na per kɔ kan gyina pintsinn wɔ Christ mu, ³ Ma w’Ahomgyeda no nyɛ enyigyedze ber a esɔr No, idzi sacrament, na isie Ne da no krɔnkrɔn. ⁴

Dɛ mbrɛ mekãa no anapa yi no, meserɛ nya mber ma Ewuradze wɔ Ne fie krɔnkrɔn no mu. Biribiara rennhyɛ wo sunsum mu fapem dzen tse dɛ temple som na temple nsɔree.

Yɛda hɔn a wɔreyɛ edwuma wɔ hɛn temple afofor no ho ase. Worisisi no wɔ wiadze nyina mu. Ndɛ ɔyɛ me enyigye dɛ mobɔ hɛn nhyehyɛɛ dɛ yebesisi temple wɔ mbea a yinom odzi do anaa bea a ɔbɛn ho dawur: Kaohsiung, Taiwan; Tacloban, Philippines; Monrovia, Liberia; Kananga, Democratic Republic of the Congo; Antananarivo, Madagascar; Culiacán, Mexico; Vitória, Brazil; La Paz, Bolivia; Santiago West, Chile; Fort Worth, Texas; Cody, Wyoming; Rexburg North, Idaho; Heber Valley, Utah; na Provo Utah Temple wobesi no fofor woetu Orem Utah Temple ahyɛ Nyame nsa ekyir no

Modɔ hom, enuanom na nkyerɛbaa, adɔfo. Ewuradze nyim hom na ɔdɔ hom. Ɔno nye hom Agyenkwa, na hom Pomfo. Odzi N’Asɔr ne kan na Ɔma kwankyerɛ. Obegya wo na Ɔama wo kwankyerɛ wɔ wankasa w’abrabɔ mu sɛ ibenya mber ama No wɔ w’abrabɔ mu—dababiara a.

Nyame nka wo ho kɛpem dɛ yebehyia bio, mobɔ mpaa wɔ Jesus Christ ne dzin krɔnkrɔn no mu, amen.