Guð þekkir og elskar ykkur

Lífið er krefjandi. Margir upplifa það að vera yfirbugaðir, aleinir, einangraðir og uppgefnir. Þegar aðstæður eru erfiðar finnst okkur kannski að við séum týnd eða höfum orðið eftir. Að vita að við erum öll börn Guðs og meðlimir í eilífri fjölskyldu hans, mun endurreisa tilfinningu þess að tilheyra og hafa tilgang.²

M. Russell Ballard forseti miðlaði: „Það er eitt mikilvægt auðkenni sem við eigum sameiginlegt nú og að eilífu. … Það er að þið eruð og hafið ávallt verið synir og dætur Guðs. … Skilningur á þessum sannleika – að virkilega skilja og fagna því – breytir lífi okkar.“³

Ekki misskilja eða vanmeta hve mikilvæg þið eruð himneskum föður ykkar. Þið eruð ekki tilviljunarkennd aukaafurð náttúrunnar, alheims-munaðarleysingjar eða afleiðing efnis plús tíma plús tilviljunar. Þar sem er hönnun, er hönnuður.

Líf ykkar hefur þýðingu og tilgang. Áframhaldandi endurreisn fagnaðarerindis Jesú Krists færir ljós og skilning varðandi guðlega sjálfsmynd ykkar. Þið eruð ástkær börn himnesks föður. Þið eruð viðfangsefni allra þessara dæmisagna og kenninga. Guð elskar ykkur það mikið að hann sendi son sinn til að lækna, bjarga og endurleysa ykkur.⁴

Jesús bar kennsl á guðlegt eðli og eilíft gildi sérhvers einstaklings.⁵ Hann útskýrði hvernig þessi tvö miklu boðorð um að elska Guð og náunga okkar eru grundvöllur allra borðorða Guðs.⁶ Ein af okkar guðlegu ábyrgðum er að annast hina þurfandi.⁷ Þetta er ástæða þess að við, sem lærisveinar Jesú Krists, „[berum] hver annars byrðar, … [syrgjum] með syrgjendum … og [huggum] þá, sem huggunar þarfnast“.⁸

Trúarbrögð eru ekki aðeins um samband okkar við Guð, þau eru einnig um samband okkar við hvert annað. Öldungur Jeffrey R. Holland útskýrði að enska orðið religion [trúarbrögð] kemur úr latneska orðinu religare, sem þýðir „að binda“ eða frekar „að endur-binda“. Þar af leiðandi eru „sönn trúarbrögð bandið sem bindur okkur Guði og hvert öðru“.⁹

Það sem skiptir virkilega máli er hvernig við komum fram við hvert annað. Russell M. Nelson forseti kennir: „Boðskapur frelsarans er skýr: Sannir lærisveinar hans byggja upp, lyfta, uppörva, sannfæra og innblása.“¹⁰ Þetta er jafnvel enn mikilvægara þegar samferðamenn okkar upplifa sig týnda, eina, gleymda eða fjarlægða.

Við þurfum ekki að líta langt til að finna fólk sem á í erfiðleikum. Við getum byrjað með því að hjálpa einhverjum í eigin fjölskyldu, söfnuði eða samfélagi. Við getum einnig leitast við að létta þjáningar hinna 700 milljón manna sem búa við örbirgð¹¹ eða 100 milljón manna sem neyðast til að yfirgefa heimili sín vegna ofsókna, átaka og ofbeldis byggt á auðkenni.¹² Jesús Kristur er hið fullkomna fordæmi þess að annast hina þurfandi – hina hungruðu, hinn ókunnuga, sjúka, fátæka eða þann sem er í fangelsi. Verk hans er okkar verk.

Öldungur Gerrit W. Gong kennir að „við finnum oft veginn til Guðs saman“.¹³ Sem slíkar ættu deildir okkar að vera athvarf fyrir öll börn Guðs. Erum við óvirk í starfsemi okkar í kirkjunni eða erum við virk í að skapa samfélög sem eiga þann tilgang að tilbiðja, minnast Krists og þjóna hvert öðru?¹⁴ Við getum hlýtt ráðum Nelsons forseta um að dæma minna, elska meira og sýna öðrum hinn hreina kærleika Jesú Krists með orðum okkar og gjörðum.¹⁵

Friðþæging Jesú Krists er æðsta tjáning elsku himnesks föður okkar til barna hans.¹⁶ Enska orðið atonement [gera eitt] lýsir því að „sameina“ þann sem sem hefur verið fráhverfur eða aðskilinn.

Hlutverk frelsarans var að veita bæði leið til að snúa aftur til himnesks föður og huggun á leiðinni. Vegna reynslu sinnar veit frelsarinn hvernig best að styrkja okkur í gegnum áskoranir lífsins.¹⁷ Gerið ykkur grein fyrir því að Kristur er bjargvættur okkar og sá sem græðir sálir okkar.

Þegar við iðkum trú, þá hjálpar hann okkur að sækja fram í gegnum erfiðleika. Hann heldur áfram að leggja fram ástrík og miskunnarrík boð sín:

„Komið til mín, öll þér sem erfiðið og þunga eruð hlaðin, og ég mun veita yður hvíld.

Takið á yður mitt ok og lærið af mér … og þá munuð þér finna hvíld sálum yðar.“¹⁸

Myndhverfingin um okið er kröftug. Eins og Howard W. Hunter forseti útskýrði: „Okið var verkfæri … sem leyfði styrkleika annars dýrs að tengjast og parast við framlag staks dýrs, sem deildi og létti hinu mikla erfiði [verksins sem verið var að vinna]. Byrði sem var yfirþyrmandi eða jafnvel vonlaus fyrir einn að bera, gat verið borin af tveimur dýrum bundnum saman með sameinginlegu oki á jafnan og þægilegan hátt.“¹⁹

Nelson forseti kenndi: „Þið komið til Krists til að tengja ok ykkar honum og mætti hans, svo þið dragið ekki byrðar lífsins einsömul. Þið eruð að draga ok lífsins með frelsara og lausnara heimsins.“²⁰

Hvernig leggjum við ok á okkur með frelsaranum eða bindumst honum? Öldungur David A. Bednar útskýrir:

„Að gera og halda sáttmála, er að leggja okið á okkur með Drottni Jesú Kristi við hlið okkar. Mergur málsins er sá að frelsarinn er að gefa okkur boð um að treysta sér og draga með sér. …

Við erum ekki ein og þurfum aldrei að verða ein.“²¹

Til þeirra sem hlaðin eru þunga, týnd, ráðvillt: Þið þurfið ekki að gera þetta ein.²² Fyrir friðþægingu Krists og helgiathafnir hans getið þið verið í tengd í eyki með honum. Hann mun á kærleiksríkan máta veita styrkinn og lækninguna sem þið þarfnist til að takast á við ferðalagið sem fram undan er. Hann er athvarfið frá stormum okkar.²³

Svo þið vitið það, þá er Jasper hnyttinn, ástúðlegur, vel gefinn og fjörkálfur. Lykillinn að þessari sögu er samt að hann er minn. Hann er sonur minn og ég elska hann meira en hann mun nokkru sinni vita. Ef ófullkominn, jarðneskur faðir hefur slíkar tilfinningar til barns síns, getið þið þá ímyndað ykkur hve fullkomlega, dýrðlega, ástúðlega himneskur faðir elskar ykkur?

Til minna kæru vina í upprennandi kynslóðum, Z-kynslóðinni og Alfa-kynslóðinni, verið meðvituð um að trú krefst verka.²⁴ Við lifum á tímum þar sem margir telja að „sjón sé sögu ríkari“. Trú getur verið áskorun og krefst vals. En bænum er svarað.²⁵ Hægt er að skynja svörin.²⁶ Sumt af því sem er raunverulegast í lífinu er ekki sjáanlegt, það er skynjað, vitað og upplifað. Það er líka raunverulegt.

Jesús Kristur vill að þið þekkið og hafið samband við himneskan föður ykkar.²⁷ Hann kenndi: „Hver á meðal ykkar, á son, sem úti er og segir: Faðir, opna hús þitt svo ég megi koma inn og eta með þér. Mun svarið ekki vera: Kom inn sonur minn, því mitt er þitt og þitt er mitt?“²⁸ Getið þið hugsað ykkur persónulegri og ástúðlegri ímynd af Guði, eilífum föður?

Þið eruð börn hans. Ef ykkur finnst þið vera týnd, ef þið hafið spurningar eða skortir visku, ef þið eigið erfitt með aðstæður ykkar eða glímið við andlegan ósamhljóm, snúið ykkur til hans. Biðjið til hans fyrir huggun, elsku, svör og leiðsögn. Hver sem þörfin er og hvar sem þið eruð, úthellið úr hjörtum ykkar til himnesks föður ykkar. Sum ykkar gætu viljað fylgja boði Nelsons forseta og spurt „hvort hann sé í raun til – hvort hann kannist við ykkur. Spyrjið hvað honum finnist um ykkur. Leggið síðan við hlustir“.²⁹

Kæru bræður og systur:

• Þekkið föður ykkar á himnum. Hann er fullkominn og ástríkur.

• Verið kunnug því hver Jesús Kristur er.³⁰ Hann er frelsari okkar og lausnari. Tengið ykkur sjálf og ástvini ykkar honum.

• Þekkið líka hver þið eruð. Þekkið ykkar raunverulega auðkenni. Hamingjuáætlun Guðs snýst alfarið um ykkur. Þið eruð ástkær börn hans og mikils virði. Hann þekkir og elskar ykkur.

Um þennan einfalda en grundvallarsannleika vitna ég, í nafni Jesú Krists, amen.