Aafiaga Tumau

Sa aoao mai le Perofeta o Iosefa Samita e faapea, “o mafaufau ma agaga uma ua auina mai e le Atua i le lalolagi ua mafai ona faateleina” (Aoaoga a Peresitene o le Ekalesia: Iosefa Samita [2007], 210). O fanau uma a le Atua ua i ai i luga o le fogaeleele ina ia tuuina mai i ai le avanoa e aoao ma ola i le talalelei a Iesu Keriso.

O tagata o le Ekalesia e i ai tulaga e ese ai po o aafiaga tumau e aafia ai a latou gaoioiga po o fegalegaleaiga, e i ai foi avanoa anoa e auauna, aoao, tautua, ma taitai ai. E manaomia saofaga o tagata uma i le malo o le Alii. Ma o soo se tasi ua manao e osia feagaiga paia e mafai ona faia o lea, pe afai e agavaa o ia ma faaalia se tulaga talafeagai o lona tauaveina o le tiutetauave ma le tali atu mo ia lava.

E silafia ma alofa lo tatou Tama oi le Lagi i Ana fanau uma, ma o loo Ia silafia luitau o loo tatou feagai. E pei ona aoaoina i le Ioane 9:1–7, o se aafiaga tumau e le o se faasalaga—o le tagata po o ona matua. Na aoao mai Peresitene Russell M. Nelson: “E le manaomia se tino lelei atoatoa ina ia maua ai se faasinomaga paia o se tagata. O le mea moni, o nisi o agaga e sili ona lelei o loo i totonu o ni tino faatauagavale pe le atoatoa. O le tele o le malosi faaleagaga e masani ona atiina ae e tagata e i ai luitau faaletino, o le mea moni lava, ona e matuai luitauina i latou” (“Ia Faafetaia le Atua,” konafesi aoao ia Aperila 2012).

E tatau ona tatou taulimaina tagata e i ai soo se ituaga o aafiaga tumau ma le faaaloalo ma vaavaai mo auala e tautua ai i latou ma o latou aiga i le alofa faaKeriso—ma ia lagolago i latou a o latou auauna atu i isi.

Tagai disability.ChurchofJesusChrist.org mo nisi faamatalaga, e aofia ai manatu mo le ala e lagolago ai tagata e i ai aafiaga tumau ma o latou aiga, aiaiga ma taiala, aoaoga o le talalelei, ma punaoa faaopoopo.

Savali Faaopoopo

Teaching Strategies for Children with Disabilities