Meleniuma

O le Meleniuma o se periota e 1,000 tausaga. Pe a tatou talanoa e uiga i ‘le Meleniuma,’ tatou te faasino atu i le 1,000 tausaga i le mavae ai o le Afio Mai Faalua o le Faaola (tagai i le Faaaliga 20:4,” Mataupu Faavae ma Feagaiga 29:11). I le taimi o le Meleniuma, ‘o le a nofotupu lava Keriso i le lalolagi’ (Mataupu Faavae o le Faatuatua 1:10).

O le Meleniuma o le a avea ma se taimi o le amiotonu ma le filemu i le lalolagi. Ua faaali mai e le Alii e faapea i lena aso o le feitagai o tagata, ma le feitagai o manu, ioe, o le feitagai o meaola ma tagata uma, o le a taofia’ (Mataupu Faavae ma Feagaiga 101:26; tagai foi i le Isaia 11:6–9). O le a ‘noatia Satani, o le a le maua ai e ia se nofoaga i totonu o loto o le fanauga a tagata’ (Mataupu Faavae ma Feagaiga 45:55; tagai foi i le Faaaliga 20:1–3).

I le taimi o le Meleniuma, o le a lelei ma amiotonu uma tagata i le lalolagi, ae toatele o le a le mauaina le atoaga o le talalelei. O le mea lea, o le a auai ai tagata o le Ekalesia i galuega faafaifeautalai.

O le a auai foi tagata o le Ekalesia i galuega faalemalumalu i le taimi o le Meleniuma. O le a faaauau pea ona fausia e le Au Paia ia malumalu ma mauaina sauniga e fai ma sui o o latou aiga ua maliliu. I le taialaina ai e faaaliga, o le a latou saunia ai ni faamaumauga o o latou tuaa e oo atu lava i tua ia Atamu ma Eva.

O le a faaauau pea le amiotonu ma le filemu atoatoa seia oo atu i le faaiuga o le 1,000 tausaga, pe a toe “tatala ai Satani mo se vaitau itiiti, ina ia mafai ona faapotopoto faatasi e ia ana autau.” O autau a Satani o le a tau faasaga i au a le lagi, o e o le a taitaia e Mekaeli, po o Atamu. O le a faatoilaloina Satani ma e mulimuli ia te ia ma lafo ese ai e faavavau. (Tagai Mataupu Faavae ma Feagaiga 88:111–15.)

Tusifaamaumau Ou Lagona Uunai

Savali Faaopoopo