Korama

O Aposetolo ma Fitugafulu e faatulagaina i korama i le tulaga aoao o le Ekalesia. O le Au Peresitene Sili o le tino aupito maualuga lea e taitaia le Ekalesia ma pulefaamalumalu i mataupu uma o le Ekalesia. O le Korama a Aposetolo e Toasefulua o le tino e lona lua le maualuga i le taitaiga o le Ekalesia. O Aposetolo e valaauina o ni “molimau faapitoa o le suafa o Keriso i le lalolagi atoa” (Mataupu Faavae ma Feagaiga 107:23). O le Au Fitugafulu e galulue i lalo o le taitaiga a le Korama a Aposetolo e Toasefulua ma e valaauina e “talai atu le talalelei, ma avea ma molimau faapitoa i Nuuese ma i le lalolagi atoa” (Mataupu Faavae ma Feagaiga 107:25). O le Au Fitugafulu e faatulagaina i korama o Fitugafulu Pulega Aoao ma Fitugafulu Eria. O Fitugafulu Pulega Aoao e auauna atu i le lalolagi atoa, ae o Fitugafulu Eria e auauna atu i o latou eria i le lotoifale.

“E tofu le siteki ma se korama e tasi o faitaulaga sili. O le au peresitene o le siteki o le au peresitene lea o lena korama. O uso o lena korama o ni faitaulaga sili o loo auauna atu i le taimi lenei i valaauga nei: o le peresitene o le siteki ma ona fesoasoani, o epikopo i le siteki ma o latou fesoasoani, o fautua maualuga, ma peteriaka o loo galulue” (Tusitaulima 2, 7.1.2).

E tofu uarota ma se korama e tasi pe sili atu foi o toeaina. O se korama o toeaina e aofia ai toeaina uma ma alii ua faamoemoe mo le tofi toeaina (o alii ua 19 tausaga pe matutua atu, e le o umiaina le Perisitua Mekisateko) i le uarota. E aofia ai foi ma faitaulaga sili e le o galulue i le taimi lenei i ni valaauga e maua ai le korama a faitaulaga sili.

I uarota taitasi, o le epikopo e faatulagaina le au tiakono—e masani lava o alii talavou e atoa le ta’i 12 po o le ta’i 13 tausaga i le aluga o le tausaga—i se korama e oo i le 12 sui auai. Na te faatulagaina aoao—e masani lava o alii talavou e atoa le ta’i 14 po o le ta’i 15 i le aluga o le tausaga—i se korama e oo i le 24 sui auai. Ma na te faatulagaina ositaulaga—e masani lava o alii talavou e atoa le ta’i 16 po o le ta’i 17 i le aluga o le tausaga—i se korama e oo i le 48 sui auai. (Tagai i le Mataupu Faavae ma Feagaiga 107:85–87.)

Afai e tele atu tagata auai i le korama nai lo nei fuainumera, e mafai e le epikopo ona vavae le korama. A o lei vavaea, e manatunatu o ia i le tele o le a i’u i ai le korama, au taitai e maua, ma le aafiaga i uso o le korama. (Tagai Tusitaulima 2, 8.1.2.)

O korama e pulefaamalumalu ai se peresitene e vaetofia e pulefaamalumalu ai. O le peresitene e tuu atu foi i ai ki o le perisitua e manaomia e faataunuu ai tiutetauave o lena valaauga. O korama i le tulaga faaleuarota ma faalesiteki e masani ona aofia ai ni fesoasoani e valaauina e lagolago i le peresitene ma ia faia ai se au peresitene.

• Perisitua

• Mataupu Faavae ma Feagaiga 107:22–32

• Mataupu Faavae ma Feagaiga 124:125–143

• Taiala i Tusitusiga Paia, “Korama”

• Faasologa i le Fusi Tolu, “Korama”

Ata

Faailoga o le Aufaipese a le Tapeneko

O Vitio o le Aufaipese a le Tapeneko

“Pele i le Leoleo Mamoe”

“Perisitua Mekisateko,” Tusitaulima 2, 7

“Coming unto Christ as a Quorum,” youth.ChurchofJesusChrist.org