Faamagaloga

O le agasala o se avega mamafa. E aumaia ai popole o le ta’usalaina ma le ita i le iloaina sa tatou faia faatinoga e faasagatau i le finagalo o lo tatou Tama oi le Lagi. E aumaia ai le faanoanoa umi a o tatou iloa ona o a tatou amioga, atonu na tatou faatiga ai i isi ma taofia ai i tatou mai le mauaina o faamanuiaga ua saunia lo tatou Tama e tuu mai ia i tatou.

Ona o le Togiola a Iesu Keriso, ua mafai ai ona tatou maua le faamagaloga mo a tatou agasala e ala i le salamo faamaoni ma atoatoa. O le agasala e aumaia ai le mafatia ma le tiga, ae o le faamagaloga a le Alii e aumaia ai le toomaga, mafanafana, ma le olioli. Ua folafola mai le Alii:

“Faauta, o ia o lē ua salamo i ana agasala, o ia lava lea ua faamagaloina, ma o Aʼu, o le Alii, e lē toe manatuaina lava i latou” (Mataupu Faavae ma Feagaiga 58:42).

“E ui lava ina pei o ofu mumu a outou agasala, e sisina ia e pei o le kiona; e ui lava ina mumu ia e pei o le ie ulaula, e avea e pei o fulufulu mamoe” (Isaia 1:18).

E mafai ona tatou oo i lenei vavega, e tusa lava pe tatau ona tatou salamo i agasala matuia po o vaivaiga o lea aso ma lea aso. E pei lava ona faatoga atu le Faaola i tagata anamua, ua Ia faatoga mai foi ia i tatou i aso nei:

“Ia outou o mai ia te au, outou uma o e tigaina ma mafatia i avega, o au foi e malolo ai outou.

“Ia outou amoina la’u amo, ma ia outou faaa’oa’o ia te au, aua o au lē agamalu ma le loto maulalo, ona maua lea e outou o le malologa mo outou agaga.

“Aua e avegofie la’u amo, o la’u avega foi e mama ia” (Mataio 11:28–30).

“Pe tou te le foi mai nei ea ia te au, ma salamo ia outou agasala, ma liliu, ina ia ou faamaloloina outou?”

“Ioe, e moni ou te fai atu ia te outou, afai tou te o mai ia te au, o le a outou maua le ola faavavau. Faauta, ua faaloaloa atu ia te outou lou lima alofa mutimutivale, ma o soo se tasi e sau, o ia lea o le a ou taliaina; ma amuia lava i latou o e e o mai ia te au” (3 Nifae 9:13–14).

E faaopoopo atu i le sailia o le faamagaloga mo a tatou lava agasala, e tatau foi ona tatou naunau e faamagalo atu i isi. Ua fetalai mai le Alii, “E tatau ona outou faamagalo i le tasi; ona o ia o lē e lē faamagalo atu i lona uso i ana agasala, e tu taʼusalaina o ia i luma o le Alii; aua e tumau ia te ia le agasala tele atu. “O Aʼu, o le Alii, Ou te faamagalo i lē o le a Ou faamagaloina, ae o outou ua poloaiina ia faamagalo atu i tagata uma” (Mataupu Faavae ma Feagaiga 64:9–10).

I tulaga o le olaga i aso uma lava, o le a mautinoa lava lo tatou afaina ona o isi tagata—o nisi taimi sa le’i fuafuaina ae o nisi taimi sa faia ma le loto i ai. E faigofie lava ona lagona le to’atama’i po o le ita po o le fia tauimasui i tulaga faapena, ae e le o le ala lena a le Alii. Na fautua mai le Faaola, “Ia outou alolofa atu i e ua ita mai ia te outou, ia outou faamanuia atu i e ua fetuu mai ia te outou, ia outou agalelei atu i e ua inoino mai ia te outou, ia outou tatalo foi mo e ua tuuai fua mai ma faasaua mai ia te outou” (Mataio 5:44). Ua Ia faia le faataitaiga atoatoa o le faamagaloga ina o i ai o Ia i luga o le satauro. I le faatatau atu i fitafita Roma o e sa faasatauroina o Ia, sa tatalo o Ia, ‘Lo’u Tama e, ia e faamagalo atu ia te i latou; aua ua latou le iloa le mea ua latou faia’ (Luka 23:34; tagai i le vaefaamatalaga c).

E tatau ona tatou tatalo mo le malosi e faamagalo ai i latou o e ua agaleagaina i tatou, ma e tatau ona tatou lafoaia lagona o le ita, to’atama’i, po o le tauimasui. E tatau foi ona tatou vaavaai mo le lelei i isi nai lo o le taulai atu i o latou sasi ma faateleina o latou vaivaiga. O le a faamasino le Atua i amioga faatiga a isi.

• Togiola a Iesu Keriso

• Faamasino Atu i Isi

• Salamo

• Kenese 45:1–5, 15

• Mataio 6:14–15

• Luka 23:34

• Mataio 18:21–22

• 1 Nifae 7:16–21

• Mataupu Faavae ma Feagaiga 64:9–14

• Topical Guide,“Forgive”

• Taiala i Tusitusiga Paia, “Faamagalo Atu”

• Index to the Triple Combination, “Faamagalo Atu, Faamagaloina, Faamagaloga”

Ata

faailoga o le Aufaipese a le Tapeneko

Vitio o le Aufaipese a le Tapeneko

“Come unto Jesus”

“Lord, I Would Follow Thee”

“Love One Another”

“Forgiveness,” ComeUntoChrist.org

Jeffrey A. Haines, “My Regrets, Her Forgiveness,” Ensign, Mati 2017

Roy Bean, “Rescuing the Lost: Counsel for Parents and Leaders,” Ensign, Ianuari 2017

“My Heart Is Whole,” Ensign, Aperila 2015

Bonnie Brown, “Sailia o se Auala e Faamagalo Atu Ai,” Liahona, Iulai 2015

“Building Forgiveness,” Friend, Mati 2015

Benjamin F. Call, “Choosing to Forgive,” Ensign, Ianuari 2014

Brian D. Garner, “The Good News of Repentance,” Ensign, Tesema 2013

David Dickson, “Faamagaloina o le Tagata o loo i le Faaata,” Liahona, Iulai 2013

“Bulletin Board,” Friend, Me 2013

“Finding Peace through Forgiveness,” Ensign, Iuni 2012

“Of You It Is Required to Forgive,” Ensign, Aperila 2012

Eric Hoyt, “Forgiveness and Football,” New Era, Mati 2008

Jane McBride Choate, “An Experiment in Forgiving,” Friend, Aperila 2004

“Teaching Children about Forgiveness,” Ensign, Ianuari 1988

“Forgiveness Allows for Healing and Love,” Church News

“Faamagaloga,” O Lesona e Fesoasoani mo le Aoaoina o Tamaiti

“Ua Faamagalo e Iosefa Ona Uso,” Itulau e Valivali

“Anger and Forgiveness—Ben White,” For the Youth, episode 15

“Forgiveness,” Music with a Message, episode 7

“Forgiveness Brings Peace—The Rasmussens,” Enduring It Well, episode 5

“Reconciliation and Forgiveness in Families—Part 1,” Gospel Solutions for Families, episode 47

“Seeking Forgiveness,” Addiction Recovery Program, step 8

“Forgiveness—Part 1,” Stories from General Conference, episode 1

“Forgiveness—Part 2,” Stories from General Conference, episode 42