Olaga pe a Mavae le Olaga Faitino

O le olaga pe a mavae le olaga faitino e faasino i le piriota o lo tatou olaga e faavavau lea e amatalia pe a mavae lo tatou oti.

Ua saunia e le Tama Faalelagi se fuafuaga mo lo tatou olataga. O se vaega o lena fuafuaga na Ia auina ese ai i tatou mai Lona afioaga, tatou te ola i le lalolagi ma maua ni tino faaletino o aano ma le toto. E oo mai le taimi e oti ai o tatou tino faaletino, ma o atu ai o tatou agaga i le lalolagi o agaga. O le lalolagi o agaga o se nofoaga faatalitali, galulue, aoao, ma, mo ē amiotonu, e malolo ai mai tiga ma faanoanoaga o le lalolagi. O iina o le a nonofo ai o tatou agaga seia oo ina tatou saunia mo le toetutu mai. I le taimi o le toetutu, o le a toe faatasia ai o tatou agaga ma tino, ma o le a faamasinoina i tatou ma talia i totonu o se malo o le mamalu. O le mamalu tatou te mautofi ai o le a faalagolago lea i le loloto o lo tatou liua ma lo tatou usiusitai i poloaiga a le Alii. O le a faalagolago lea i le tulaga na tatou “na taliaina [ai] le molimau ia Iesu” (Mataupu Faavae ma Feagaiga 76:51; tagai foi i le 76:74, 79, 101).

Tusifaamaumau Ou Lagona Uunai