An Ii Epwe Tongeni Pochokun Pwan

Ngang uwa mefi feiech ai nomw non ei mwich ren ekkewe mi kamwoch ewe pristut an Kot. Ewe pung, nukunuk, me angang minnei ei mwichen mwan me aat ra fori mi ew kinikinin nifang. Uwa pworous nepwinei ngeni chon kamwoch ewe pristut kukkun ika watte, chufengen non ennetin angang ngeni ewe Samon Jises Krais.

Ewe Samon a fang An pochokun ngeni kewe mwan non ekkewe ofesin pristut meinisin ion mei fich ngeni an epwe fori wisan wisen pristut.

Wilford Woodruff, Presetenin ewe Mwichefen, a aitikich usun met mei keo non ekkewe ofesin ewe pristut:

“Uwa rongorong ewe aewin pworous uwa keran rong non ewe Mwichefen. Ewe ran mwurin ngang uwa paptais. … Ngang uwa angei wisei ren emon Sense. Ai angangen misineri a mwutir ne pwopwuta. … Ngang emon Sense non unusen ai misin. … Ren ewe mwichenap ngang uwa angei wisei wisen Prist. … Mwurin ngang uwa angei wisen priest uwa feino fori … angangen misineri ngeni ewe kinikinen Merika mi nom south. Na non ewe fall non 1834. Ngang me wor chienei mei fitiei, me auwa pwopwuta nge ese wor pwotow me sine. Uwa sai ngang chok ew echun tepetepen fansoun me afanafana ewe Kapas Allim, me uwa papataisei chommong aramas nge usapw tufichin efeiochur ren ewe Ngun mi Fel, pwokiten ngang chok emon prist. … Uwa sai ekoch fansoun ne afanafana ewe Kapas Allim memwen uwa angei wisei wisen Elter. …

“[Iei] ngang uwafen emon chon ewe mwichen Engon me Ruemon Aposel ukkun nime me ruwanu ier. Ngang uwafen sai me na pwan ekoch mwich iei a wone ier; me ngang wa mwochen apasa ngeni ei mwich pwe ngang uwafen angei ai mwumwuta meren ewe pochokunen Kot nupwen ai wa emon sense, me akaewin nupwen aiwe osukun non ewe atake fansoun ai we emon prist, usun chok nge ngang emon aposel. Ese wor sokofesenin ei nukun chok kich sia fori wisach.”¹

Ewe auchean tufich pwe esap wor sokofesen a aitikich non ewe Samon apasa pwe ewe Pristut seni Aaron a “kapach” ngeni ewe Pristut seni Melkisetek .² Ewe fos kapach wewen ruu ra kapachfengen. Ei kapachfengen a namwot ngeni ewe pristut epwe wisen ewe pochokun me feioch epwe tongeni, non ei fonufan me feinfeinno, ren “ii esap wor nepwopwutan ran ika nesopwonon ier.”³

Ei kapachfengen mi mecheres. Ewe Pristut seni Aaron a aiti kukun mwan ne nukunuk mi pin.

Ewe pochokun me nemenemen ewe mi tekia, ika Pristut seni Melkisetek , epwe kamwoch kewe kien feiochun ewe mwichefen—

An epwe wor ewe tufich ach sipwe angei ewe pworousen ewe muun nang, an nang epwe suk ngeniir, me chufengen me ewe chon nemenemen mwich me mwichefenin ewe Mwanichi, me ani pwapwan ewe chufengen me ren Kot ewe Sam, me Jises ewe chon aninisren ewe minafen pwon mi pin.⁴

Ekewe kien pristut ra kawor meren emon chok mwan non ew fansoun, ewe Preseten me chon nemeni pris mi tekia non ewe Mwichefenin ewe Samon. Iwe, seni ewe Preseten a efinata, ekewe mwan ien mi kamwoch ewe Pristut seni Melkisetek mi wor an pochokun me mi tongeni an epwe pworous me fofor fan iten ewe mi Tekia. Ese wor nesopwun ewe pochokun. A nomw non manau me mano, fiti family me ewe Mwichefen, fiti ewe watten ningen Kot me An angang.

Ewe Samon a ammonata ekkewe mi wiseni wisen ewe Pristut seni Aaron ar repwe winiti elter chon angang non nukunuk, pochokun, me unusen kinisou non ewe Pristut seni Melkisetek.

Ren elters, anononun kinisou epwe namwot ren omw fori wisomw non unusechun angangen pristut. En kopwe chechemeni non ranin omw emon tiken, sense, ika pris numpwen kewe iir mei kamwoch ewe tekian wisen pristut ra angesefan ar repwe ekiketa me anisuk non omw fansoun pristut.

Meinisin chon kamwoch ewe Pristut seni Melkisetek a wor met ra chechemeni, nge ar sinei ennetin kinisou a kukununo fiti ekewe ier. Ua mochen oupwe chechemeni ena memef me fiti ewe mwochen ne fangeta ren meinisin en mi tongeni usun ewe sokkun aninis en mi angei fan ew.

Uwa chechemeni emon pisop a for ngeniei usun nge ngang wafen winiti met ngang mi tongeni winiti ren ewe pochokunen pristut. A keriei non ew Raninfel nupwen ngang wa emon pris. A apasa pwe emwochen upwe chiechian me no churi ekoch chon am we ward. A ngingin nge ita ngang chok upwe tongeni anisi. Ese need ngang. Mi wor chon aninisech ngeni non an pisoprik.

Auwa churi emon fefin mi woungaw me echik ese pwupwunu. A mwochen upwe anisi ne ku netipan, tungorei an epwe fori me aea ew kokkotun moni (budget), me pwon ngeni pwe epwe tongeni feita me pwisin anini o pwan anisi ekkoch.

Auwa no aupwe anisi ruemon kukun nengin iir mi nomw non fansoun weires. Nupwen auwa asai seniir, ewe pisop a apasa ngeniei non neukukun, “kanan semirit resap menukano pwe kich mi feito rer.”

Ren ewe iimw mwurin, uwa kuna ifa usun ai upwe kapas emon mwan ese fifiti fan an epwe feito sefan ngeni ewe Samon ren ai upwe aiti ngeni pwe chon ewe wart re mwochen ii.

Na pisop ii emon mi kamwoch ewe Pristut seni Melkisetek ewe a awatei ai kuna me ngeniei ai pochokun ren awewe. A aitiei an epwe wor ai pochokun me nuku ai upwe no ekis meinisin non angang fan iten ewe Samon. Ii afen mano me a angei niwin, nge ngang mi chiwen chechemeni ii pwe ii mei angetiw fan an epwe ekieita nupwen ngang emon chon kamwoch ewe Pristut seni Aaron nge use sinei. Ngang uwa kaeo me mwurin pwe ii mi kunaei pwe upwap angei wisen pristut mi watte, nap seni ai pwusin kuna.

Semei mi pwan fori usun chok ngeniei. Ii amen sinei me chon kamwoch ewe Pristut seni Melkisetek . Fan ew a kapas eis seni emon aposel an epwe makei ew mwochomwochen mak usun ekkewe pisekin pwarata mi pwarata inet ewe fonufan a for. A makei eche, pwe a sinei pwe ekoch repwe aneani epwe wor ar memef pochokun pwe ewe fonufan mi kukun seni met ewe pisekin pwarata a apasa.

Ngang mi chuwen chechemeni an semei we ngeniei met mi makei me apasa ngeniei, “Hal, en mi wor ewe ngunun tipachem ren omw sinei ika ngang upwe uwei ngeni kewe aposel me soufos.” Ngang use chechemeni usun met ewe taropwe a apasa, nge ngang upwe chechemeni tori feinfeino ewe unusen kinisou ngang mi mefi ren ewe emon chon ewe Pristut seni Melkisetek mi kuna non ngang ewe ngunun sinei ewe ngang use tongeni kuna.

Ew pwinin, ekoch some ier ra no, mwurin ngang uwafen angei wisen aposel, ewe soufosen Kot a kekeriei me a eisiniei ai upwe aneani ekoch mettoch afen mak usun met ewe mwichefen mi nuku. I a aneani kinikinin ewe puk ususen ewe pwinin. A apasa fiti an takir, “use tongeni ai upwe awesano kei meinisin. En kosapw asoso nge ngang mi angang.” Iwe a aea ekkewe pworous usun chok semei we fitu ier me mwan. “Hal, en ewe emon kopwe aneani ei. En kopwe sinei ika mi pwung an epwe publish.”

Usun chok kewe mi kamwoch ewe Pristut seni Melkisetek ra awateta me fangeno ar nuku a feito ew pwinin fansoun ew pworous a kawor meren ewe Mwichefen. Nupwen ngang mi engon me fisuu ieri, uwa finite pwe upwe pworous ngeni ew watten mwich. Ngang ese wor ai ekiek ren met ra mwochen seniei. Ese kawor ngeniei itenap, me ngang use amonata ew pworous mi nuseni met ngang mi sinei usun ewe kapas allim. Nupwen uwa pworous, ngang uwa kuna ngang uwa fori mi ngaw. Ngang mi chiwen chechemeni, mwirin ai afanafan, usun ita ua mefi pwe ua kuf.

Ewe mwurin me saingonon chon afanafan Elter Mathew Cowley seni ewe Mwichen Engin me Ruemon Aposel. Ii emon mi sinei afanafan—chon mwichefen remen tongei. Ngang mi chuwen chechemeni ai neneta ngeni me won nenieiwe unukun ewe nenien afanafan.

A pwopwuta non ew pochokunen ngingi. A apasa pwe ai pworous a fori ngeni an mefi pwe a nomw non ew auchean mwichenap. A emenimen nupwen a apasa. Ai mefi nipwakingaw a wes me a siwin ngeni nuku pwe ngang mi tongeni non ew ran upwe tongeni winiti met a ekieki pwe uwa fen usun.

Ewe ekiekin non ewe pwinin mi chuwen efisi ai upwe rongorong eech nupwen emon chon ewe Pristut seni Aaron a pworous. Pwoken ren met Elter Cowley mi fori fan itei, iteitan wa mwochen pwe ngang upwe rongorong ewe kapasen Kot. Napengeni use netipingau me napengeni wa pwapwa, me ngang usapw tongeni usap emenimen usun chok met Elter Cowley a fori.

Chommong mettoch epwe tongeni apochokuna pwiich kewe kukun ar repwe marita non ewe pristut, nge esap wor mettoch epwe pochokun seni ach aninis ne awateno ewe nuku me sinei pwe iir mi tongeni nukunuk non ewe pochokunen Kot non ar angangen pristut.

Na nuku me sinei esap nomw rer seni ew fansoun nupwen ra kekita meren emon chon ewe Pristut seni Melkisetek mi angangoch. Ewe tufich ne aea ewe pochokun repwe mwarita ren sokopaten nikinikin sinei seni kewe ra kon timpachem non ewe pristut.

Ekkewe mi kamwoch ewe Pristut seni Aaron epwe pwan mwochen wor iteiten ran me pwan awa fosun epochokun me kapwung seni ewe Samon me ren ewe Ngun mi Fel. Ina epwe fis ngeniir nupwen repwe finata ar repwe nukuchar. Epwe anongonong won kewe repwe finata.

Ina pwata kich sipwe kaeo seni nonomwun me nuku pwe kewe kapas seni ewe unusechun meinapen Pristut seni Melkisetek King Benjamin mi ennet.⁵ Ekkewe kapasen tong mi tou non iten ewe Samon, ewe mine an ei pristut. King Benjamin a aiti kich met sipwe fori ach sipwe nonomw unusech pwe sipwe angei ewe fosun aninis me apwungu meren ewe Samon:

“Iwe amuchunon, use tongeni ereni kemi ekkewe mettoch meinisin ren minne oupwe tongeni fori tipis; pun ekkei aan me popun mi sokopat, pwan mwo ra fokkun chommong iwe use tongeni anneani ir.

“Nge ei ukukun ua tongeni ereni kemi, pwe ika ousap mammasa inisimi, me ami ekiek, me ami kapas, me ami foffor, me aneasochisi ekkewe annukun Kot, me soposopono non ewe nuku non met oua fen rongorong usun ewe wareton ach we Samon, pwan mwo tori nesoponon manauemi, oupwe mano non pekin ngun. Iwe iei, O aramas, chechemeni, me ousap mano non pekin ngun.”⁶

Sia fen sinei usun ekkewe sossot minne Setan a aea ne fiu ngeni ekkewe anuon chon komoch ewe pristut minne sia tongei. Me rech, ra usun soun fiu, ien ra eita ngenir ekkewe noun Helaman. Ir mi tongeni manau, usun kewe kukun soun fiu, ika iir mi epeti inisir, usun King Benjamin mi urenir repwe fori.

Noun Helman kewe aat rese tipemwaramwar. Ra fiu pochokun me ra win pwokiten ar nuku kewe kapas seni iner kewe.⁷ Sia weweiti ewe pochokunen ewe nuku an emon inenap. Inenap ra awora ewe watten aninis ren nour at ikenai. Kich chon kamwoch ewe pristut, sipwe tongeni me sipwe kapach ach aninis fengen me ach mochen ne penuweni ewe keke nupwen kich sia ekesiwin, kich sipwe tori fan ach sipwe apochokuna pwiich kewe.⁸

Ai iotek pwe meinisin chon kamwoch ewe Pristut seni Melkisetek repwe finata me angei ewe mettoch a kawor meren ewe Samon:

A apasa ika emon mwan nukumw epwe pochokun non ewe Ngun, mwut ngeni epwe uwei ewe mi apwangapwang, pwe ii epwe sinei me nuku, pwe ii mi tongeni winiti pochokun pwan.

A apasa kich sipwe uwei ekkewe rafen chonei ewe Pristut seni Aaron, me uweiir ngeni memwomw kopwe fori ar fansoun, me anukunuku ewe an, me amasowa fansoun en kosapw tongeni amasowa.

A apasa iei ewe an ren nei aposel, non kewe ranin nomw, aueta ai we mwichefen fan itei.⁹

Noumw kewe souemwenin pristut me semen ekkewe mi kamwoch ewe Pristut seni Aaron mi tongeni fori angang mi pin. Oua tongeni anisi ewe Samon ne wiseni ekkewe wisen misineri ren ekkewe anuon mi mochen etiwa ewe kokon afanafan ewe kapas allim mi tongeni fiti ekkewe elter me ra tongeni fori fiti nukunuk. En kopwe kuna sokopaten en kopwe ekieta me apochokuner ar repwe nuku fochofoch, apwupwunu non ewe tempel, me nesoponon repwe pwan ekieta me anisi ekkoch.

Esap namwot epwe wor minafen prokram, eechunon pisekin asikuun, ika eechunon social media. Esap tongeni an epwe kokori napseni met afen work remw iei. Ewe akopon me pwon mi pin an ewe pristut a ngonuk pochokun, nemenem, me eureur. Ngang uwa iotek en kopwe no neimw me kaeo echuu ewe akopon me pwon mi pin an ewe pristut, a nomw non Doctrine and Covenants sopun 84.

Kich meinisin sa anean pwe pwan ekoch anuon repwe pwan sinei usun Wilford Woodruff, ewe, nupwen an emon chon ewe Pristut seni Aaron a asukuna ewe kapas allimin Jises Kraist non an unusen pochokun.

Ngang uwa iotek pwe kich sipwe monota ngeni ach keke sipwe ekieta ekoch pwe repwe monota ren ar kewe auchean angang. Ngang uwa kinisou ren unusen netipei ngeni ekkewe auchean aramas ekkewe ra ekieita me aiti ngeniei ifa usun upwe tongei me ekieta ekoch.

Ngang uwa pwarata pwe Preseten Thomas S. Monson a kamoch meinisin kewe kien pristut won fonufan non ei fansoun. Ngang uwa kuna pwe ii, ren unusen manauan, afen pwa ngeni kich meinisin sipwe ekieta ekoch ren kich chon ewe Pristut seni Melkisetek. Ngang uwa ususen kinisou ren an ekieita me aiti ngeniei ifa usun upwe ekieta ekoch.

Kot ewe Sam mi manau. Jises ii ewe Kraist. Iei An ei Mwichefen me mwuu. Iei An ei pristut. Ngang mi sinei ren non manauei seni ewe pochokunen were Ngun mi Fel. Non itan ewe Samon Jises Kraist, amen.